السلام عليكم ورحمة الله بركاته
من غير أي مقدمات عاوزة أقول إن البوست هيكون شوية حاجات عاوزة اقولها قبل ما أستأذن من حضارتكم لأني هاخد وقت للتفرغ للإمتحانات
ياريت وأرجوكم تدعولي بلإخلاص وتكثفوا الدعاء وما تبخلوش عليا بإخلاصكم ده
وانا متأكدة من كرمكم مع الغريب مابالكم مع بنتكم وأختكم جهاد
دا كان أولا
أما ثانيا عاوزة أقدم شكر خاص جدا للأستاذ الدكتور /جـــابر طلبة
عميد كلية رياض الأطفال بجامعه المنصورة
لو هقول ليه مش هذكر غير أهم سبب
وهو إنه قدر يخليني أحب الكلية دي حقيقي وخصوصا إني ما كنتش عاوزة أدخل وكنت نفسي ادخل آداب لغة عربية أو إعلام لكن حصلت ظروف ودخلت القسم ده
ولكن الحمد لله ما ندمتش وإللى ساعدني أستاذي /الدكتور جابر
وفعلا غيرت حاجات كتير في خططي بسبب حبي للأطفال وإحساسي إني قدرت أقدم حاجة
ويمكن أنا مش بقدر أحصّل بشكل يخليني متفوقة من الناحية النظرية لكني أزعم إني متميزة في الاحساس بالطفل وتوصيل المعلومة والخبرة والسلوك وكمان قدرتي على حل المشكلة الخاصة بالطفل لحد كبير
وطبعا الكلية والدراسة ساعدوني كتير
فبقدم شكري وامتناني للدكتور جابر طلبة
ثالثا:بالنسبة لشوية أسئلة طرحها الأستاذ المحترم أحمد البشيهي في البوست اللي فات
وهي عن بعض الأسئلة اللي بيستفسر عنها بعض الأطفال وبتكون محرجة لدرجة كبيرة وساعات كتير بابا وماما مش بيلاقوا اجابة ليها وده بيتخليهم يعملوا حاجة من اتنين إما بيتجاهلوا وبيهربوا وبيبان ويمكن يعنفوا الطفل لأنهم اتجرأ سأله أسئلة زي كده
أو بيجابوا بشكل غلط وده بيفقد ثقة الطفل لماما أوبابا وطبعا دا لما بيكتشف إنه كدب عليه او حتى مش عارف الصح
خلونا نتفق في الأول إن ماما وبابا لازم يكون مبدأهم الصراحة ..يعني مش لازم بأي حال من الأحوال نكدب على الطفل ولو حسينا ان السؤال في غاية الصعوبة ومفيش طريقة نجاوب بيها على السؤال ده يبقى الاجابة وبمنتهى الهدوء..(لو سمحت ياحبيبي اديني فرصة اعرفلك الإجابة لأني مش متذكرها )وفي مقابل الاجابة دي لازم تبحث وتعرف إجابة وتقدمها للطفل من غير ما يسألك تاني لأن لو ما قدمتش اجابة لطفلك هيلاقيها عند حد تاني وممكن تكون غلط وتأثر في تفكيره لحد كبير وكمان عشان يتعود يلاقي عندك كل حاجة هو عاوزها
نيجي بقى للأسئلة المحرجة
هنفترض بعض الأسئلة ونجاوب عليها
يوسف:ماما ليه أنا مش عندي من ده (مشيرا إلى ثدي الأم)
تجاوب بمنتهى الجدية
ماما:ياحبيبي عشان يوسف وهو صغير كان بياكل منه
يوسف:طيب ليه بابا مش عنده من ده ما هو كمان بيأكلني
ماما:بابا بيأكل يوسف بس وهو كبير لكن ماما بتأكله وهو صغير عشان كده ربنا خلق لها ده
يوسف:هو ربنا فين
ماما:ربنا موجود وشايفنا وشايف يوسف وبيحبه وعشان كده خلاه جميل كده
يوسف:وربنا ده شكله عامل ازاي
ماما:ربنا شكله جميل ...بس محدش بيشوفه
يوسف :ليه ياماما ..طيب أنا عاوز اشوفه
ماما:لو عاوز تشوفه يا يوسف يبقى لازم تخليه يحبك أكتر عشان تشوفه
يوسف:أنا اخليه يحبني أكتر إزاي
ماما:لازم تكون ولد طيب ومؤدب وتسمع كلام ماما وبابا وتكون شاطر في المدرسة وتخلي النلس كلها تحبك ومتزعلش حد منك(
أو أي سلوكايت تحبيه يعملها بس من غير ضغط أو مساومة على فعر سلوك معين)
طبعا دي أسئلة افتراضية تتوقعوها من الطفل
وممكن أسئلة أصعب وغير متوقعة لازم يكون عندك إجابتها..يمكن مش عندي الوقت دلوقتي إني أتكلم عنها
عشان كده أنا هيشرفني أستقبل أي ايميلات أو أسئلة بخصوص الطفل
رعايته ..مشاكل بيواجهها..طرق تربية سليمة....الخ
أي سؤال بخصوص الطفل محتارين فيه أنا مستعده أشاركم وأساعدكم حتى لو مش هعرف ..لكن هقدر أوصل للمتخصصين بسهولة لأنهم في مجال عملي
وهكون سعيده وأنا بعمل كده
ده الإميل
وهأكد عليكم
محتاجة دعواتكم
هناك 41 تعليقًا:
السلام عليكم و رحمة الله و بركاته
ليا الشرف يا جوجو اكون اول كومنت
بث حبيبتي اعذريني انا تعبانه دلوقتي نفسيا جداااااا
واول لما ادخل بكره ان شاء الله ويكون ليا عمر هقول رأيي كالمعتاد في موضوعك يا قمر
في رعاية الله
بسم الله
ربنا معاكم و يوفقكم في الامتحانات
اوافقك الرأي في انه يجب الاجابة على اسئلة الطفل بذكاء وعدم التهرب منها
دمتم
السلام عليكم
~~~~~
ربنا ينجحك
وحلو الموضوع اللي طرحتيه
كتير اباء بيتحطوا في مواقف صعبه مبيعرفوش يتصرفوا
~~~~~~~~~~
تقبلي مروري
~~~~~~~~
تحيـــــــــاتي:)
الأخت الفاضلة: جهاد
السلام عليكم ورحمة الله وبركاته
أولاً أحييك على اللفتة الطيبة منك فى توجيه الشكر لأتاذ له فضل عليك ، وخاصة أننا فى زمن قل فيه الوفاء والاعتراف بالجميل .
وأنا قرأت البوست وبصراحة ينبئ عن أخصائية متميزة فى تخصص هام جداً لأن هؤلاء الأطفال هم اللبنة التى يبنى بها بناء الأمة
وأدعو الله لك بكل التوفيق فى الامتحانات إن شاء الله
أخوك
محمد
أحيكى جداً جداً على فكرة البلوج بتاعك... وأرجو منك ومن زوراك زيارتى فى مدونة "يوميات عانس"
أنا برده كنت جاى عشان أقول محتاج دعواتكم
يلا بقى اهو ندعى لبعض
بالتوفيق بإذن الله
فى حفظ الله
انتي يابنتي هايله دي متوفيكيش حقك حقيقي
بجد ما شاء الله عليكي
على فكره فيه جانب مشترك بيني وبينك
مش اللماضة وبس لا
كمان حبنا لاطفال وسرعة تعلقهم بينا وسرعة استيعابهم واحتوائهم
والله يا جهاد وانا بكشف عليهم واهاليهم يقعدوا يقولولي اخد عليكي ازاي كده ده مش بيروح لحد وبيكون مبسوط معايا
بحس انها نعمه وهبه من ربنا مديهالنا نسخرها صح
ربنا يعزك حقيقي ويكرمك واحتاجك قريب ان شاء الله
مين الطفل اللمض ده صحيح
حد لمض غيري في القاعده دي وانا معرفش
:))
السلام عليكم ورحمه الله وبركاته
يارب وفق جهاد وكل الطالبات المجتهدات في الامتحانات ..ويارب ياكريم قادر يا عظيم تطلعها لنا بتقدير أمتياز مع مرتبه الشرف ...
أظن كده أكيد ربنا يتقبل دعانا ...
موضوع البوست لن أعلق عاليه ...لانه لا يصح ان التلميذ يقول للأستاذ هايل يا استاذ...واحنا نسأل وننتظر الاجابه .
علي فكره :تكثيف الدعاء ...وليس تكسيف ...هو الدعاء بيتكسف؟
ما تغبيش عنا يا جي جي..
انت قلتي انك مابتحبيش الهوهوه ...وانا مش ح هوهو...لكن بجد انا فرحت قوي بزيارتك ...وكان نفسي تقولي اي حاجه غير اخونا العزيز ...لانك تستحقي ان يكون أخوكي أسدا وليس ...هوهو..
والله ما حبيت الاسم دا الا من الغلب الغالب علينا وكاتم علي نفسنا وزي ما بنقول اهي لحظات وتمر ...بنفضي الي جوانا احن نطق ...عارف عند امتحانات ...ربنا يوفقك ...وكل الي معاكي ...سلام.
السلام عليكم و رحمة الله و بركاته
جيتلك تاني يا قمر
اولا ربنا معاكي في امتحاناتك وان شاء الله ناجحه
وبجد الوست المرة دي عجبني جدا عرفان بالجميل لشخص حببك في مجال وشجعك فيه وخلاكي بجد متفوقة وكلمة متفوقة دي بسيطة
ثانيا اسلوبك في التعبير عن شيء بحسه اهم حاجه في الدنيا الاطفال لانهم عشقي
بجد بتبط اوي لما بقرا لك كتابتك
تثلمي يا ثكر
ومثتنيه بعد امتحاناتك مثاثات كتير بقى
في رعاية الله
يا جهـــــاد .. انتى فين يا جهاد
الله ينجحك يا بنتى .. الله يوقف لك ولاد الحلال الله يرزقك كل ثانيه معلومه ويهديلك الحال .. قادر يا كريم - كدا عايز ربع جنيه - وابقى بلغينى عملتى ايه فى الامتحان
بس بصراحه يوسف لمض فعلا واسئلته صعبه ومحرجه .. لكن احنا عرفنا ازاى نرد عليه .. كويس الدعوات دى يا جهاد .. تحياتى
اولا ربنا يوفقك وينجحك
ثانيا صدقينى مش انتى اللي وحدك اللي الظروف بتجبرك انك تدرسى او تدخلى كلية مش حباها او تعملى حاجة عكس ارادتك
لكن بعد كده بتلاقى فيها خير
لان دى ارادة ربنا
وعسى ان تكرهوا شيئا وهو خير لكم
المهم
ربنا يوفقك فى الامتحان
ونشوفك اكبر مدرسة تربية اطفال فى مصر
وصاحبة حضانة كمان
وابقى عينينى المدير
ياستى انا موافق
من تواضع لله رفع شانه
عادى اكون عميد معهد وصاحب المعهد فى نفس الوقت
ازاى مش عارف
وكمان مدير حضانة برضوا عادى
كله عادى
انا عارف ان فترة الامتحان دى صعبة
بس لازم تكونى هادية ودايما اذكرى الله وتقربى منه واوعى تقولى ده جاى ومش جاى لا حطه كله فى اعتبارك
وكمان متحفظيش لا افهمى
وربنا يوفقك
واسف للتطويل
فى النهاية
بالتوفيق
تحياتى
بجد ماشاء الله عليكي
فكره المدونه تحفه وربنا معاكي
ربنا يجعله في ميزان حسناتك
تحياتي
بجد موضوعاتك جميلة جداااااً زى الاطفال اللى كلها براءة ..
ويجب على كل ام الرد على طفلها ومناقشة بأسلوب علمى وتربوى ولكن معظم الامهات الان مش فاضية للتربية وممكن تزعق وتهرب من الاجابات وبهذا الشكل سنترك الاسئلة تكبر مع الطفل .. واكيد هيحاول معرفة اجابات اسئلته وممكن يتعرض الى نتائج ومعلومات خطأة سواء عن طريق الفضول او سؤال من ليس اهل للاجابة .. وكل هذا بسبب الاستهتار بعقل الطفل الصغير ، ونقول مع الوقت هيكبر ويتعلم .. وهذه المشكلة فقل باب الحوار والمناقشة بيننا وبين اطفالنا ..
معذرة لو اطالة فى ردى لكن هذا الموضوع هام جدااااااااً بالفعل .. لانه من باب تكوين الشخصية عند الاطفال
وشكرا .. لك ،،
نفرتارى
السلام عليكم...
ما أتخرتش عنك ...بدعيلك في سري بيني وبين ربي ...انت وكل الناس الحلوين المجتهدين ...الي بيحبو الخير للغير ...منظرين عودتك لنا بالنجاح ..والفلاح .
حبيبتي الجميلة جوجو ربنا يوفقك لما فيه الخير ياقلبي وموضوعك هايل جدا وللامان ياقمر وربنا يجعله في ميزان حسانتك يارب
ربنا يوفقك و ينجحك ياااااارب
و شكرا على المعلومات القيمه
بس كان عندي استفسار و ياريت اللي يعرف يجاوبني هو كليه رياض الاطفال بتخرج الطلبه بانهي شهاده؟
ربنا يجعل النجاح حليفك غاليتي جهاد
و أحييك الموضوع جميل و قيم
دمتِ موفقة في انتظار الأخبار الجيدة
موضوع مفيد جدا ربنا يكرمك على النصيحه فيه وربنا يكرمك يارب فى امتحاناتك وفى كل حياتك ياقمر
ابنتى الغالية/جى جى
هذه الاجابات جميلة وواقعية لبعض الاسئله.وهذا يدل على اتساع افقك وذكاء ملحوظ.والى لقاء بعد الامتحانات.ان شاءالله.وادعو لك دعاء الاب المطحون لابنه الوحيد بالتوفيق والتفوق ان شاءالله.
.....احمد البشيهى...
بيا ن رقم 1
بيان تأسيس العصابة
يشرفني انا الاستاذ / حرامي لص نشال
ان اعلن لكم عن تأسيس اول عصابة لسرقة المدونين
واحب اعرفكم اني خلاص بقي عندي عصابتي
واسلحتي ومفاتيحي وطفاشتي واعلن لكم جميعا عن ميثاق الشرف لتأسيس هذه العصابه
ويتضمن المواد الدستوريه التالية
1- ان لا يتم سرقة الا ما هو نفيس وغالي وعلي المدونين اللي أي كلام انهم يتطمنوا لاني مش هقرب ناحيتهم
اما المدونين المتميزين فيعرفو اني هسرقهم هسرقهم
2- اي عملية سرقة او سطو مسلح لن تتم الا بعد التهديد والوعيد يعني هبعت رساله للزبون اقوله اني نويت اسرقه
3- يتم ترك بصمات(تعليق ) علي كل مدونه تمت سرقتها عشان تعرف انها اتسرقت
4- يتم عمل نقطة بوليس (عندي في المدونه ) لتلقي البلاغات والشكاوي والتعليقات
5- لن يتم نشر اي موضوع الا اذا كان مسرووووق يعني انا مش هكتب حاجه من عندي
6- ان جيت في يوم واتقفشت فسوف اعلن توبتي وابطل سرقه واحل العصابه
وعشان تقفشني لازم تعرف اسم المدونة الاصليه بتاعتي اللي هيه مش سرقه يعني
- يتم نشر هذا البيان علي اكبر عدد ممكن من المدونات للعلم فقط
اعلانات مبوبه
اعلان لكل الجرايد الرسميه والغير رسميه
مطلوب مساعدين لحرامي.... علي ان يكونوا خبره لا تقل عن عام في السرقه والنصب والتدوين وعلي من يرغب في التقدم للوظيفه ارسال cv وصورتين او تعليقين
امضاء
الحرامي الكبير
سلامتها أم حسن ......... مش لاقية حد تشكريه إلا جابر ....
كان الله مع اهل غزة وليغفرالله لنا تقصيرنا معهم ..
كل من له عينان يرى التواطؤ الكريه من حكومة فاسدة وحزب فاسد .. اما وانه قد خدع رئيس اكبر دولة اسلامية .. فهو غير كفيل بحكمنا .. نتحدث عن تواطؤ رئيس جاهل وحزب فاسد وحكومة اقرب الى الصهيونية ..ان لم تكن كذلك ..
اما حماس فيكفيها فخرا انها لم تستسلم كما استسلم غيرها .. لم تسرق اموال الشعب الفلسطيني كما فعل غيرها ..
حماس التي قدمت فخر شبابها شهداء في ساحة الجهاد والزود عن شرف الامة العربية والاسلامية ..
حماس العزة والكرامة والشرف ..
ولكن ماذا نحن فاعلون ؟
اقول لا للوقفات والاستنكارات ولكن اجمعوا المال والمؤن والسلاح وليفعل كل منا ما يستطيع لايصال المال والمؤن والسلاح لاهل غزة ..
ويارجال سيناء الشرفاء قوموا بايصال المال والمؤن والسلاح لاخوانكم في غزة الصامدة..
ولعنة الله على الكلب الذي استقبل العاهرة اليهودية للتواطؤ لضرب غزة ..
وحسبنا الله ونعم الوكيل
يا خرابى أكنك قاعدة معايا فى البيت أنا وبنتى والله فيه أسئلة أكترمن كدة بكتير بيسألوها ببراءة شديدة ومابالاقيش إجابة
أول مرور وليس الأخير بإذن الله
تقبلى مرورى وتحياتى ... عاشقة الورد
هههههه
مدونتك لذيذة اوى وجديدة
وكويس اوى انك بتحبى مجالك ومشدوده ليه بالطريقة دى
يا جهاد .. انتى فين يا جهاد
وحشتينى بقى لك سنين ما شفتكيش يا دهاد
..زورينى كل 3 شهور مره يا دهاد.. هه والله ما انا مزودولا كلمه .. تحياتى يا دهاد .. سلامه
اختى فى الله جهاد
كل عام وانتى بخير
دى اول زياره منى لمدونتك الرائعه
فكرتينى بايام جميله فعلا
والاغانى مبهجه والله كل واحد محتاج انه يرجع طفل تانى بس سنه الحياه بقى هنقول ايه
موضوعاتك جميله وهادفه
ربنا يجعلها فى ميزان حسناتك
انامش متزوجه بس استفدت من الموضوع والله
ربنا يكرمك ويوفقك فى الامتحانات ياااااااااارب
تقبلى تحياتى واعجابى الشديدين
الفاضلة
جهاد مشالى
مرحبا بك فى اتحاد المدونين المصريين وقد تم اضافة اسمكم الكريم فى قائمة الاعضاء بمدونة العضوية .. ونتمنى ان نتواصل دائما مع الموضوعات التى تعرض على مدونات الاتحاد لنظهر بالصورة المشرفة التى نرضاها جميعا وتليق بنا
مرة اخرى
مرحبا بكم فى بيتكم وفى انتظار افكاركم ومقترحاتكم
دعواتى الصادقة لكى بكل النجاح والتوفيق انتى وجميع ابنائنا وبناتنا
لكى منى كل الحب والدعوات الصادقة بالتوفيق
الغاليه علينا كلنا ...
____________________جل جل (السلام عليكم ورحمه الله وبركاته)
غاليه والله العظيم ....غاليه .
وواحشانا قوي لنت لماضه عيالنا ...
بندعي لك بالتوفيق ...
وبشكرك جدا علي الزياره الجميله التي لم اكن اتوقعها*
حضري للموضوع وفي انتظار كلام جـــــــد.. جيدن.. جيدن ..
سلامه قلقان يا جهاد .. انت فين وفين اراضيك .. محمود بن ممدود بيضور عليك ومش لاقى لك اراضى .. جهاد .. انت فين يا جهاد
السلام عليكم ورحمه الله وبركاته
يعلم الله بدعو لك صباح مساء ..
هانت ...فات الكتير وان شاء الله بالتوفيق .
السلام عليكم ورحمه الله
_________________
يبدو ان الامتحانات والدراسه اخذت كل تفكيرك...ربنا يوفقك ويعينك.
أما تخلصي امتحانات نوضح اكتر...
باقي بكره بس ...مش كده؟
مدونتك جميلة وظريفة أوي
و اجاياتك علي الاسئلة حلوة
ربنا يبارك فيكي
ربنا يوفقك في امتحاناتك
ابنتى جهاد تدوينتك جعلتنى اشعر بأن المستقبل باءذن الله تعالى سيكون مشرقا لانه فيه امثالك أمهات واعيات دارسات يمارسن الامومه عن علم ودراسه بالاضافه للفطره السليمه استمرى ابنتى الحبيبه نحن فى حاجه الى هذه النوعيه من المونات الجاده والهادفه
ياريت تقوليلي يا جهاد اللينك بتاع اغنية جمع ووفق .. لو عندك ؟؟
هو انت صحيح أم لأطفال ؟؟
ولا دي دراستك بس ؟؟
شارك في حملة الطرطرة علي اسرائيل
من هنا
www.daktara.blogspot.com
والله العظيم المدونه دى جامده موووووووووووت وانا شخصيا استفدت منها كتير مع ان مش عندى اطفال لسه بس قريتها كلها ومبسوط من المعلومات اللى فيها
شكرا جدا
السلام عليكم
اولا: اتفضلو زورو المدونه الجديده
ثانيا : اعوا تنسوني خلاص
ثالثا : تقبل مروري
رابعا: تحياتي لك
خامسا: اتمني لك المزيد من التفوق
سادسا: دمتوا بكل خير و سعاده
سابعا: المدونه جاهزه و تمام
ثامنا:اخبار جامده اووووووي
تاسعا: ادعوا للاهلي
عاشرا: مش مهم بقي مش فاكر ههههههههه
الحادي عشر : لازم تزووووروووني
السلام عليكم و انا صاحب مدونه العشق و الهوى
اولا: اتفضلو زورو المدونه الجديده
ثانيا : اعوا تنسوني خلاص
ثالثا : تقبل مروري
رابعا: تحياتي لك
خامسا: اتمني لك المزيد من التفوق
سادسا: دمتوا بكل خير و سعاده
سابعا: المدونه جاهزه و تمام
ثامنا:اخبار جامده اووووووي
تاسعا: ادعوا للاهلي
عاشرا: مش مهم بقي مش فاكر ههههههههه
الحادي عشر : لازم تزووووروووني
عزيزتنا الغاليه جهاد
دعواتنا لك بالنجاح والتفوق وان شاء الله عندنا حلقه قى البرنامج عن مدونتك وبعض تعليقات زوارهاوسنذكر لك يوم اذاعتها بعد التسجيل ونكتبه ايضا فى مدونتنا بعد العشره مساء الثلاثاء 27-1 ان شاء الله
netonradio.blogspot.com
إرسال تعليق