الخميس، 15 يناير، 2009

عيد ميلاد النونة




السلام عليكم ورحمة الله وبركات

حبابيبي زوار مدونتي الجمال

أنا بجد بشكركم على دعواتكم ليا وطبعا كنت بحس بيها في وقت الزنقة .. ومازالت المسيرة مستمرة ..لسة بحارب ..قصدي لسة بذاكر وما خلصتش امتحانات


لكن انا قلت آجي أحتفل معاكم بعيد ميلادي

اليوم دا كل سنة بيكون حزين أوي لأني دايما متذكرة إني بفقد يوم من عمري

ودي حاجة صعبة أوي خصوصا لما أحس إني لسة ما عملتش حاجة


لكن السنة دي مش عارفة ليه فرحانة وسعيدة ومزقططة


وكمان صحابي (سلمى وسارة وايناس )احتفولوا بيا احتفال جميل هنا(www.khalekfe7alna.blogspot.com)أنا بجد بشكرهم عليه


لكن أنا دلوقتي عاوزة أحتفل معاكم ..حفلة مخصوص ..حفلة عيالي


لكن قبل ما نتكلم عن الحفلة


عاوزة أقول ازاي نستغل مناسبة زي دي في تعليم عيالنا سلوكيات معينة

أولا: المناسبة هتكون سعيدة بالنسبة للطفل وهتخليه يشعر بحب بابا وماما وكل الناس اللي حواليه ..وطبعا هيكون مستني الهدايا اللي انا مستنياها دلوقتي

قبل ما نقول للطفل ان في حفلة
هتتعمل عشان عيد ميلاده

ممكن الاول نتناقش معاه بحب

بعني ايه عيد ميلاده ..يعني اليوم الجميل اللي جيت فيه للدنيا

واحنا بنقول عليه عيد عشان احنا حبينا اليوم دا اوي عشان بنحبك وقررنا نحتفل بيه أنا وماما


عارف دا كان امته..كان يوم 15 من شهر يناير ..ودا أول شهر في السنة ..والسنة فيها 12 شهر
وهكذا وممكن بالراحة لغاية ما لطفال يستوعب يعني ايه عيد ميلاده عشان ما يكونش بيردد زيكم من غير وعي أو فهم ..وكمان يكتسب مفهوم جديد للزمن ..الشهر والسنة واليوم والساعه ..وكمان النهاردة وامبارح وحاجات شبه كده
وكمان ننبه عليه اننا ما نطلبش من حد هدية اثناء الحفلة لو حد قدم لك هدية تشكره ..ولو ما حصلش يكون عادي يا حبيبي وما ننتظرش هدايا من حد عشان نكون جمال ويكون يوم حلو أوي


وكمان تكون هدية بابا وماما مميزة ويكون حاجة بيحبها الطفل ومناسبة لسنة

يعني لعبة هو كان نفسه فيها ...أو خروجة حلوة
وكل سنة وهو طيب ..وكل سنة وانا طيبة ..سنة حلوة ياجيجي

والتورت دي عشانكم
الناس اللي بتحب الشيكولاتة



ســـحر الكريمة
وأخيرا دعونا نتبادل الدعوات





هناك 65 تعليقًا:

الفراغ يقول...

كل سنه وانت طيبه وفى خير وسعاده
وعقبال الامتحانات لما تخلص على خير

بيبو يقول...

كل سنة وانتي بالف صحة وجمال وخير وسعادة ياقلبي كل سنة وانتي حبيبتي واختي الصغيرة كل سنة وانتي في قلبي يا احلى جوجو كل سنة وانت عابدة وشاكرة وساجدة وقلبك بينبض بحبه كل سنة وانتي في وسط اهلك الكرام ويارب السنة الجاية يكون معاكي ايل يحافظ عليكي في عنيه لانك غالية قوي مووووووواه ليكي

Manamino يقول...

كل سنة وانت طيبة وعقبال مليووووووووون سنة يارب

عاشقه الرومانسيه يقول...

كل سنه وانتى طيبه ياجوجو
بس انا والله كنت اول تعليق امبارح من قبل الموضوع ده ما يتكتب
لانى كلمتك على الميل وانتى مش كنتى واخده بالك
عموما مش مهم المهم انك بخير
والنهارده يوم جميييييل فعلا لانك مبسوطه
ربنا يسعدك يارب
بس يعنى يا جوجو حتى يوم عيد ميلادك مش ناسيه الاطفال والنصايح؟
هههههههههههههه
ربنا يبارك لك ويجعله فى ميزان حسناتك
ميرسى على التورته انا بحب الشيكولاته موووووووت
كل لحظه وانتى فى سعاده وراحه بال يااااااااارب

الزعيمة يقول...

كل سنة و انتي بالف صحة و سلامة يا جوجو
كان نفسنا نعملك احلى حفلة عيد ميلاد
بس انتي عارفة ان الواحد مفلس اليومين دول خالص
ربنا يعيده عليكي بالخير يا رب

خليك ف حالنا يقول...

جوجو

كل سنه وانتى طيبه يا حبيبتىوعقبااال مليون سنه واحنا سوا ان شاء الله

fashkool يقول...

ازيك يا جهاد .. كل سنه وانت طيبه .. على فكره انا مش بافرح بعيد ميلادى زيك بالضبط .. صحيح الناس بتفرح ليه عشان سنه خلصت من عمرها ..والله حاجه غريبه .. على فكره انا عيد ميلادئ 16/1 يعنى بعدك بيوم واحد..
مره ثانيه كل سنه وانت طيبه وعقبال 100 سنه

ahmed_k يقول...

كل سنه وأنتي طيبه يا جهاد
وعقبال مليوووون سنه بخير وسعاده
والقادم بإذن الله أجمل وكلله أمل
وحياه سعيده

رئيس التحرير يقول...

السلام عليكم ورحمه الله وبركاته
كده يا جي جي ...أنا آخر من يعلم وليه كا بعتليش دعوه ...طب والله ما انا مديلك الهديه ...هييه!!!
======كل سنه وانت بحير ويارب عقبال كل سنه وانت سعيد ومبسوطه ...وربنا ما يحرم حد من الفرحه ...انت وكل اللي بتحبيهم .Hapy Byrd Day to ...Meeeee &...Yoooo

romansy يقول...

كل سنه وانتى طيبه وعقبال مليون سنه

ويارب يخليكى لاصدقاك
ويخليكوالبعض

حقودي يقول...

كل سنه و أنتي جهاد مشالي
كل سنه و أنتي طيبه يا جهاد

نفرتارى يقول...

كل سنة وانت طيبة وبخير .. وكل اللى تحبيهم طيبين وفى احسن حال ... ومستنسين منك كلام جديد عن الاطفال ..
تحياتى ،،

نفرتارى

صدى الصمت يقول...

كل سنة وانتى طيبة يا قمر وعقبال 10000 سنة

ماما أمولة يقول...

كل عام وانت طيبة يارب

وربنا يحققلك كل ماتتمنيه

ودايما تبقى حياتك حب لكل الناس

Meme يقول...

كل سنه و انتي بخير يارب وعقبال ميه شمعه في طاعه الله

حاجــ عيال ــات يقول...

السلام عليكم

الفراغ:
وانت طيب..ولا طيبة
ومرسي على زيارتك ويارب تكون دايما بخير وسعادة

حاجــ عيال ــات يقول...

Manamino يقول...
كل سنة وانت طيبة وعقبال مليووووووووون


.......
وانت طيبة ياجميلة ويارب يخليك دايما وتيجي تهنيني
ومرسي على زيارتك

حاجــ عيال ــات يقول...

بيبو:
وانت طيبة ياروح قلب جهاد
مش تقولي يابنتي انك انت بدرية صحبتي ..كده انا افتكرتك بيبو بتاع الأهلي
ولما لقيتك بتقوليلي ياحبيب قلبي
قلت الله هو انا سمعت كده وبيبو كمان عرفني ..ياااااه
أكيد هيخليني أمثل كاس العالم للعيال السمر السنة الجاية
وطموحي بقى كبير اوي و
وفي الاخر انصدمت ولا لقيت بيبو ولا حاجة ولا الاهلى يعرف عني حاجة خالص
بس انت احسن من كل الدنيا ياروح قلبي والله
وانت طيبة ومعايا ديما وبخير وهنا

حاجــ عيال ــات يقول...

عاشقة الرومانسية
اللي انا بحبها اوي
كل سنة وانت طيبة وانت اول تعليق على فكرة
ويارب يخليكي ليا يارب

حاجــ عيال ــات يقول...

الزعيمة الئيمة
لا يجماعه ما تصدقونيش الزعيمة مش لئيمة ولا حاجة ..دي زي السكر وانا بمووت فيها
وطبعا كلنا مفلسين انت هتقوليلي
يالا السنة الجاية بقى ان شاء الله ابقى اعزمكم في اي اوتيل على حفلة عيد ميلادي ,,حاجة على الضيق كده

حاجــ عيال ــات يقول...

خليك ف حالنا
طالما خليك ف حالنا
تبقى سلمى وايناس وسارة والمفروض جهاد لكن انتم دجلوقتي عند حهاد
فهنقول ألو
ونات طيبين يانور عنيا ونكون دايما مع بعض

حاجــ عيال ــات يقول...

فشكوول
عمو كل سنة وحضرتك طيب يارب
والسنة الجاية تكون عندي بتهنيني وبهنيك
ويارب السنة دي تكون احسن من السنة اللي فاتت

حاجــ عيال ــات يقول...

ahmed_k
كل سنة وحضرتك طيب استاذ أحمد ويارب زي مابتقول يكون السنة دي اجمل وانجح منم اللي فاتت وانت كمان تحقق كل اللي تتمناه

حاجــ عيال ــات يقول...

رئيس التحرير منور ياريس
كل سنة وحضرتك طيب
والهدية وصلت بمجرد وجودك هنا
وجودك معايا ياريس أجمل هدية
وكل سنة وكل حبايبك بخير وسعادة

حاجــ عيال ــات يقول...

رومانسي
كل سنة وانت بخير يارب
ومرسي على ذوقك ودعوتك

حاجــ عيال ــات يقول...

حقودي
كل سنة وانت مش حقودي
وعلى فكرة أنا حاسة اني اعرفك وانك متنكر
وكمان لو فعلا انا اعرفك وانت متنكر خاف مني لأني هعرفك هعرفك
أنا هوايتي كشف الأقنعه

كل سنة وانت بخير يارب

حاجــ عيال ــات يقول...

نفرتاري
كل سنة وانت طيبة ياحبيبة قلبي
وحاضر اوعدك باحلى كلام عن الطفال ياقمر

حاجــ عيال ــات يقول...

صدى الصمت
وانت طيبة ياجميل وعقبالك يوم ميلادك لما تنول اللي شغل بالك
ياقلبي

حاجــ عيال ــات يقول...

ماما أمولة
ربنا يخليك لينا ايرب
وحضرتك بخير وسعادة
ومرسي على دعوات حضرتك ليا
وربنا يتقبل يارب

حاجــ عيال ــات يقول...

ميم
كل سنة وانت طيبة دايما
وربنا يكرمك يارب

fashkool يقول...

ياجهاد .. انت فين يا جهاد .. سلامه
واحشانى يا جهاد من زمان ما زرتنيش .. ازيك .. عيد ميلادى 16/1 بس مش حاقول لك ان سنة 1952 هو انا عبيط يعنى عشان اعرفك سنة ميلادى ولا عبيط يعنى اصل ما احبش حد يعرف تاريخ ميلادى ولا حاقول لك كمان ان بقى سنى 57 سنه .. لالالالأ .. مش حاقول
تحياتى يا جهاد

ذات النطاقين يقول...

كل عام وانت الي الله اقرب وعلي طاعته ادوم ولكتابه احفظ

وشكرا علي النصائح المفيدة ربنا يبارك فيكي .. ويوفقك في امتحاناتك

الحرامي يقول...

كل سنه وانت طيبه
يا اجمل عيله في الدنيا

ادم المصرى يقول...

كل سنه وانتى بخير بأذن الله تعالى واتمنالك
التوفيق كمدونه والتوفيق كا متعلمه والتوفيق كأنسانه ومستنى زيرتك

ريكو يقول...

كل سنة وانت طيبة يا جهاد
ودايما فى خير وسعادة وحب
على فكرة المدونة لذيذة قوى وممتعة جدا
واولادى حبوها خالص وفرحوا بالاغانى جدا جداااااا!!!!!!!!!
تحياتى

خليك ف حالنا يقول...

وقعتك هباب يا جهااااااااااااااد

تقولى بدام خليك في حالنا يبقي ايناس وساره وسلمى

لالالالالالالالالالالالالالالالالالالالالا

يا قطه

ايناس ردت باسمها يبقي مفيش غير ساسو القمر العسل الحلوه

هههههههههههههههه

كل سنه وانتى عيله

لماضة يقول...

كل سنه وانتي طيبه يا جميله
عقبال مليون سنه
معلش جت متاخره كنت بره البيت الفتره الي فاتت والله
انا جيت اهو يارب الحق التورتايه بقى ولا اتنسفت

حاجــ عيال ــات يقول...

السلام عليكم
عمو الفشكوول الجميل نور..وعيد ميلاده الليلة أسعد الأعياد
طبعا مش هتقول لحد انك بقيت 57 سنة هي دي حاجة تتقال برده
ربنا يبارك في عمرك ويسعد أيامك يارب ..دي دعوة جدتي لبابا وربنا يتقبل

حاجــ عيال ــات يقول...

السلام عليكم..
ذات النطاقين ..ربنا يتقبل منك دعواتك ليا ويكون ليكِ نصيب منها يارب ..
وفعلا محتاجة دعوات مخصوصة للا متحانات ..وكل سنة وانت طيبة وبخير وربنا يثبتك

حاجــ عيال ــات يقول...

السلام عليكم
...
الحرامي باشا
شيخ المنصر عندنا ياجماعه كله يخبي مقتنياته الغالية ..وخافوا منه ..دا حويط وغويط ...كل سنة وانت منورنا وأجدع حرامي

حاجــ عيال ــات يقول...

السلام عليكم
...
آدم المصري
كل سنة وحضرتك بخير وسعادة وأمل
ويارب وتكون دايما محقق أحلامك
ومرسي على زيارتك الجميلة وطبعا ليا زيارة وزيارات لكن اديني فرصة لما أخلص امتحاناتي..لكن ادعيلي دايما

حاجــ عيال ــات يقول...

السلام عليكم
...
ريكو
منورني النهاردة والله
وسعيدة برأيك في المدونة وكمان سعيدة ان الأولاد فرحوا بيها ودياما عاوزاهم معايا هنا ..وسلامي ليهم

حاجــ عيال ــات يقول...

السلام عليكم
...
خليــك في حالنا
ساسو القمر العسل الحلوه ..
ماشي يابنوتة ..كل سنة وانت قمر وسكر وحبيبة قلبي دايما بس برده مش هديكي تورتة ومش هتاخدي من الشاندوتش بتاعي

حاجــ عيال ــات يقول...

السلام عليكم
...
لماضة ..الجميلة أوي
ازي يادكتورة الدكاتير ,,وكمان أخبار الروتين ايه .؟!
وحشتينا ..وبعدين انت تيجي في اي وقت ..قدامك فرصة من اول كومنت لتاني كومنت بس..أمال ايه أنا متسامحه جدا يابنتي
وبعدين تورتة ايه اللي انت بتسالي عنها ..أنا شخصيا مالحقتش منها حاجة
لكن لو انت فعلا نفسك فيها
تقدري تشتريلناواحدة على حسابك وانا مستعدة آكل معاكي بقى أعمل ايه مش عاوزة أكسر بخاطرك
كل سنة وانت لمضة دايما

نهــــــــــار يقول...

السلام عليكم ..
كل عام وأنتي إلى الله أقرب يا جهاد..
وبارك الله بكي ولكي وعليكي..

حقودي يقول...

نقدر نعتبرة تحدي

حاجــ عيال ــات يقول...

السلام عليكم

نهار
مرسي ياحبيبتي على دعوتك الجميلة وعلى وجودك الجميل
وكل سنة وانت طيبة

حاجــ عيال ــات يقول...

السلام عليكم
حقـــودي
تحدي بس بشرط..تتكلم وتنزل مواضيع في مدونتك يافندم هو انت خايف اكشفك ولا ايه ياباشا ..مش عاوز تنزل مواضيع ليه..؟
عموما مستنياك

يوميات نائمة في الأرياف يقول...

كل سنة وانتي طيبة ويارب سنة سعيدة عليكي وعلى كل اللي بتحبيهم
رنا

محمد الجرايحى يقول...

أختى الفاضلة: جهاد
السلام عليكم ورحمة الله وبركاته
كل سنة وأنت طيبة
وأشكرلك مشاعرك الطيبة
متعك الله بالصحة والعافية
وإن شاء الله من الناجحات المتفوقات
اللهم آمين

SemSem يقول...

السلام عليكم
اول زيارة ومش الاخيرة باذن الله

الحمد لله انى جيت على خبر سعيد
كل سنه وحضرتك طيبه
نسأل الله لك النجاح والتوفيق فى الامتحانات

تحياتى

عاشقه الرومانسيه يقول...

ايه يابنتى ؟ حرام عليكى

مفيش بوست جديد؟

هتحتفلى بعيد ميلادك طول السنه ولا ايه

ابقى تعالى عندى ليكى امانه فى البوست الاخير
ههههههههههههه

وحشتينى ياجوجو

NİSANUR يقول...

selamun aleykum I'm from Türkiye,from Ankara

fashkool يقول...

سلامه حيتجنن .. انت فين يا جهاد
خلصت امتحانات ولا لسه .. واخبار الامتحانات ايه .. حليتى كويس ولا لأ
والتقدير يا ترى حيكون تقدير عالى ولا التقدير الشعبى .. تحياتى ياجهاد .. يارب تنجحى

انت تسال والكمبيوتر يجيب يقول...

عزيزتنا الغاليه جهاد
الأثنين2-2 موعد أذاعة حلقه خاصه عن مدونتك وبعض التعليقات لزوارها...طبعا البرنامج يذاع التاسعه وعشر دقائق صباحا على الأذاعه الرئيسيه لمصر
وكافة التفاصيل فى مدونتنا وموقعنا وعلى فكره بالموقع رابط يمكن بالضغط عليه سماع اذاعة مصر الرئيسيه...نضغط وننتظر قليلا
المدونه
netonradio.blogspot.com
الموقع
http://dear.to/cairo
ونرجب بكل اصحاب المدونات

الوردة البيضا يقول...

السلام عليكم
ازيك يا جهاد
عيد ميلاد سعيد يا ستي وعقبال 100 سنة من السعادة والنجاح والرضاإن شاء الله
معلش التهنئة متأخرة شوية.. اعذريني
ويارب تكوني اتوفقتي في امتحاناتك

تحياتي وتمنياتي لك بكل الخير

mohamed ghalia يقول...

انا قولت اجى اسلم بعد مخلصت إمتحانات لقيت فى عيد ميلاد كبير
دمتى بكل الود
دمتى فى سعادة

كلام على بلاطة يقول...

يناير، 2009
النصر الزائف
انتصاراتناتتــــــجلى فى كثرة قتلانا وبشاعة وهول دمارنا
ويقدمها لنا خصومنا عن طيب خاطر وهم فى غاية المنى
واحنا لفرط نباهتنا بنتعاطاها سنه بعــــــــــد ســــنـــــــة
لا بنتعلــــم ولا بتفهم ولا بنسمع لمن يهمه امــــــــــرنا
ولنا فى الحماقة والتياسة مثلا اعلى طول عمرنــــــــا
راضون كل الرضا بقوة حنجرتنا وطول لساننـــــــا
مش مهم شكلنا بين الدول ولا فقداننا لاحترامــــــــنا
تاهين فى هدومنا فاقدين بصيرة ورؤية ايامنـــــــــا
ولدينا كل الاصرار على المغالطة ولا يهمنا احلامنا

fashkool يقول...

يا جهاد .. انت فين يا جهاد .. وحشتينا يا جهاد
سلام يا جهاد

نهــــــــــار يقول...

السلام عليكم إزيك يا جهاد أن شاء الله تكوني بأحسن حال...
....
كنت عاوزه أستشيرك بحاجه بس للأسف مقدرتش ..
فا مشيتها من دماغي والحمدلله جت سليمه..
...
الموضوع إني وعدت إولاد إخواتي إني أخرجهم خروجه حلوه ...
ومحددتش المكان بس حددت الزمان ..
وطبعا نسيت الزمان خالص ...
ولقيت الكل قالب بوزه بسأل حصل إيه
فكروني بوعدي ..
تاني يوم جهزت للرحله طبعا الصبح بدري إشتريت كل السناك للرحله ..
والعصر خذتهم مشيتهم جنب البحر بعد كده وديتهم الحديقه وسبتهم يعملوا إلي هم عاوزينه(طبعا واحد صغنن كده راح يسبح بالرمل)وأنا عادي جدا بعدها وديتهم بيت أخويه إلي ولاده ماكانوش معانا بالرحله وأكلتهم وسيبتهم يلعبو شويه ...
ورحت مرجعاهم البيت ...
طبعا أنا طولت بالكلام بس حابه إنك تتكلمي عن معاملت الأطفال بالرحلات ..
لو سمحتي ...
وتبينيلي إذا كنت غلطت بحاجه..
.........
دمت بخير

شبــ اون لاين ـــاب يقول...

♥♫Happy♫ ♥ ♫ ♥♫ VaLnTiNe♫ ♥♫ ♥♫ DaY♫ ♥ ♥ ♥ ☺ √♫

أسما عواد يقول...

الجميلة جهاد
كل سنة وانت طيبة الأول وعقبال ميت سنة
هابي بيث داي تو يو
يا لا حالا مالا حيوا ام الفصاد
ده اعتذار عن تاخيري عليكي
بوستك جميل واقتراحك حول التمهيد للطفل يدل على ثقافتك التربوية
عارفة احنا ثقافة المناقشة والتمهيد موش موجودة عندنا
المفروض قبل اي رحلة او عمل نعمله مع الأطفال نمهد ليه عشان يكونوا مستوعبين الي جاي
يعني لو هنروح رحلة ليه منطلبش من الاطفال انهم يعملوا بحث عن المكان اللي هنروحه عشان يكونوا مستعدين للي هيشوفوه
موش كده بس
دا احنا بعد الرحلة لازم نجري نقاش عن الاشياء الي شفناها واللي عجبنا واللي معجبناش في الرحلة
ومهم جدا اللي معجبناش عشان نساعد اولادنا انهم ميكونوش نمطيين
شكرا يا جهاد وعلى فكرة انا اضفتك على مدونتي
يا رب ميكونش عندك مانع

fashkool يقول...

اتى فين يا دهاد .. اسيك
كنت فى رحله تسكع فى الشوارع والمحلات مع زميلاتك .. وحايزه تسترى فتان عشان مسروع .. مسروع يحنى .. ايف ايف ايف مبلوك ليكى ويارب يتمل ليت بحير يا رب
اسل الحسفوله قالت لى
تحياتى

@عاشقة القمر@ يقول...

كل سنه وانتي طيبه وعلي فكرة
يسلموووووايدك الترته كان طعمها جميييييييييييل ويارب يخليلك صحابك يارب
تـحيـاتي

غير معرف يقول...

المدونه وحشتنى أوى
جهاد مشالي