الأحد، 7 ديسمبر 2008

تعــــالوا عيدوا عندي








كل دقيقة ..كل ساعه ..كل يوم..كل أٍسبوع ..كل شهر ..وأخيرا كل سنة وانتم طيبين وبخير
وعيالنا كلهم بخير
عن العيد وخروف العيد أد ايه اللاطفال بيحبوا الاعياد والتجمعات وجو اللمة ودا بيساعد على استقرارهم لحد كبير
ولما بيشوفوا الخروف أكيد بيحصل حوارات داخلية بين الطفل ونفسه
زي مثلا
ياحرام الخروف ليه ندبحه ونعمله واوا
وأكيد بيتوجع
والدم
منظر الدم الفظيع ممكن يألم بعض الأطفال

فلازم نفهم الطفل يعني ايه ندبخ خروف ..ايه الحكمة ..القداسة ..الدين ..ولازم نحتك ونحكي قصة أضحية العيد
عشان يعرف ويقدر إن الخروف مش مجرد دبح ودم ..لا دا أمر من ربنا ولازم ننفذه
وكمان له حكمة ..والناس البسيطة اللي بتستنى لحمة الخروف من العيد للعيد





صلاة العيد





أنا عن نفسي مش بحس بفرحة العيد إلا لما بروح أصلي العيد أسلم على حبابيبي وأصحابي
وبلاقي الأطفال كتيير لابسين الهدوم الجديدة وفرحانين بالألعاب اللي اشترواها بالعدية
كمان لا زم نفهم اطفالنا مغزى صلاة العيد ونخليها حاجة اساسية في عيدنا وما نخافش عليهم من البرد ولا نحرص انهم يناموا الوقت ده ..هم نفسهم حابين انهم يعيشوا اللحظة دي





العيدية





العيدية دي شيء مهم جدا بين الكبار والصغيرين بس ياخسارة خلاص ما فيش كتير بيدوني عيدية غير بابا وماما وخالو ربنا يخليهم لي
الطفل بيحب العيدية وياريت كمان بابا ياخد ابنه وهو بيعيد على عمو وعمتو تيتا وكل القرايب والاهل عشان نعود الطفل ونعلمه صلة الرحم
دا باختصار عشان اسيبكم تاكلوا اللحمة بقى
لكن في حاجة مهمة نسيت اقول عليها
بعد ما تعيدوا على حبايبكم وقرايبكم
تيجوا تعيدوا هنا عندي وتقعدوا معايا شوية تنوروني وتجيبوا معاكم(العيدية)و العيال عشان ألحب محاهم
كل سنة وانتم طيبين





جـــهاد مشالي

هناك 63 تعليقًا:

غروب يقول...

بخخخخخخخخ

اول تعليق

كل سنه وانتى طيبه يا جوجو

انا بحبك ومش بقدر ازعل منك خااااالص

وانتى عارفه

حصل خير

متاكليش لحمه كتير يا بنتى

ومتصرفيش العيديه عشان هنخرج بعد العيد كلنا نصرف فلوسنا ههههههه

( بوووووووسه)

mahasen saber يقول...

انا قلتلك قبل كده مدونتك دى هتفيدنى جدا مع ابنى

بجد مدونتك رائعه
ربنا يكرمك ويباركلك

وكل عيد وانتى بالف خير
وكل من تحبين واسرتك بكل صحه وستر

DR.HAMAS يقول...

ربنا يفرحك كمان و كمان يا أختنا جهاد

و يا رب دايما الأعياد

انا سمعت الكلام و جيت عيدت عندك

فين العيدية بقى ؟؟؟؟؟

طب حبة كحك و بسكوت ؟؟؟

طيب بيتى فور أو بيتى فايف أى حاجة

أنا متواضع خالص أهوه

أمال بس بتقولى عيدوا عندى ليه ؟؟؟؟

على العموم ايزى

انا انبسطت بس انى دخلت

بارك الله فيكى

و أدام الأفراح فى قلبك




د.حماس

أنفاس الصباح يقول...

كل ثنة واتى تيبة يا مث جهات

انا بحبك اوى

وبحب اغنية كوكوواوا تى اوى

انا حوزة الحب محاكى

وأخت العتية محاكى

موكن

أمل حمدي يقول...

كل عام وانت بكل خير يارب

والعام القادم تكون اتحققت كل امنياتك

عيد سعيد

mohamed ghalia يقول...

كل سنة وحضرتك بخير
كل سنة وكل أسرتك بخير
دمتى فى حفظ الله

Unknown يقول...

الله ينور عليكي
فعلا الحاجات دي بالذات بتعلق في الذاكره عمرنا كله
السلبي منها والايجابي

كل سنه وانتي طيبه

مهرة سالم يقول...

كـــل عـــام وأنتــــي بخيـــر..
وعيــد سعيـــد...
......
حبيت صورة الخروف الصغنون جدا..

محمود الدوح يقول...

بعيد عن البوست المختصر المفيد اللذيذ

بجد مدونتك تحفة
وكنت بدور على حاجة زيها من زمان
بجد تحفة
سعيد انى زورت مدونتك

AhMeD RaDy يقول...

كل سنة وانتى بخير .. واللى الله اقرب بكتير

عيد سعيد عليكى يارب .. وعلى كل المسلمين يارب ... ونشوفك باذن الله على كل خير وفى كل خير يارب

ويارب باذن الله كد يكون كل المسلمين السنة جاية كلهك كلهم حاجيين يارب

عيد سعيد يا جهاد ...

Ghada_Ibrahim يقول...

ياصباح الخير *_^

كل عام وأنت بألف خير حبيبتي جهاد ..

ويارب يجعل أيامكـ كلها أعياد وأفراح يارب ..

مدونة طفولية رائعة جدا .. سأكون هنا على الدوام *_^

:)

دمت بخير ..

زى الهوا يقول...

كلامك جميل وعندك حق فيه فعلا

كل سنة وانتى طيبة

mo5tar يقول...

كل سنة وانتى طيبة

وفعلاً الواحد لو مرحش يصلى العيد مش هيحس بطعمه

او بصراحة مبقتش بحس ان للعيد طعم فالحاجه اللى بتفكرنى بيه هى صلاة العيد

عيد سعيد عليكى ان شاء الله

شخـا بيــط مـحـجـوب يقول...

كل سنة وانتى طيبة
عيد سعيد عليكى
بجد موضوع جميل
تحياتى ليكى وتقبلى مرورى
شخابيط mahgoub

romansy يقول...

كل سنه وانتى طيبه

عيد سعيد مليان بالحب والخير


عيد سعيد مليان بالامل والسعاده


عيد سعيد على كل البشر

والمسلمين
عيد سعيد
نحقق فيه امنياتنا
ونحقق فيه احلامنا
ونصبر
اكيد هنلاقى الخير
عيد سعيد

رئيس التحرير يقول...

كل سنه وانت طيبين
الحق اجيب العيال ...أحسن نسيتهم تحت.

mr_raafat يقول...

العزيزة جهاد
كل سنة وانت طيبة
وفي العام القادم يكون كل ما تتمنيه قد تحقق
اللهم آمين
لك مني كل التحية والتقدير
عيد سعيد

طوبه فضه وطوبه دهب يقول...

كل سنه وانتى بالف خير وصحه وسعاده اختى العزيزه الغاليه تحياتى ليكى ولكل الاطفال

بـسـمـــة صـــــلاح يقول...

عيد سعيد
كــــ سنه وانت طيبه ــــل
....
ربنا يخليلك مامتك وباباكي وخالك وكل حبايبك
.......
وانا كمان مبحسش بالعيد غير لما اصلي
.....
يلا ياستي اديني عيدت معاكي بس ابقي اقسمي العديه واديني النص
....
دمت بود
تحيــــــاتي:)

!! a7mad sala7 !! يقول...

كللللل سنة وانتى طيبة يا جهاد
ويا رب يكون عيد سعيد علينا كلنا

بلوجك لذبذ اوى
_اول زيارة ليا_

وجميلة اوى لمسة القرب من الاطفال دى
وبجد بتعلمينا ازاى نتعامل معاهم

بالنسبة للعيد
متكملش فرحته الا بالصلا طبعا
دا اساسي
وللاسف العيد معادش غير فى ال3 او 4 ساعات بتوع اول يوم الصبح

واللى مبيلحقهم كانه معيدش

مش عارف ليه كل ما بكبر بحس ان زهوة العيد بتقل
لدرجة انى حاسس ان هييجي عليا عيد محسش بيه خالص
_ربنا يستر_

بس يا ترى ايه السبب فى كده
بيتهيالى اسباب كتير مش موضوعنا دلوقتى

عموما

يالا سلام بقى اروح الحق العديات :D

عايش علي الهامش يقول...

كل سنه وانت طيبه
المره دي انا مش هتكلم عن شئ خالص لان انا كمان بعمل زي العيال الصغيره في العيد
ولو ربنا كتبلي يوم بابن اعتقد ان انا وهو او هي هنتخانف علي المعيله في العيد بالذات

شكرا لك

رئـــــيسـة حزب الأحلام يقول...

كل سنة وانتى طيبة ياقمر
والله مدونتك عسل وحسيت بسعادة وجو طفولى جميل اوى
ادام الله عليكى هذا الجمال وقلب الاطفال
تحياتى لكى ياقمر

هــو..مش ..نـو يقول...

طيب انا ممكن اجيب العيال...
بس ازااااي دي العالم تطفش وهي الي تهوهو...وبعد كده اجصع انا من غير هوهوه...هوهو...هوهوه

قلم رصاص يقول...

كل سنة وحضرتك طيبة

تقبل الله منا ومنكم وعيد سعيد عليكي ان شاء الله

walaa rizk يقول...

كل سنه وانتى طيبه

مدونتك حلوه خالص خالص بجد

هاتى يلا العيديه

ولا مستنياه انا هاديهالى

تقبل الله منا ومنكم

moory-mero يقول...

السلام عليكم و رحمة الله و بركاته

تعرفي يا جهاد أحلى ما في بوستك إنك فكرتيني بحلاوة العيد زمان وأنا ثوغنتته
يااااااااه أيام جميلة أوي بجد ومفتقداااها جدا إني أخرج و أزور قرايبي وأجي وأتنطط وأصلي العيد وأبقى زي البيبيز كده ألحب مع كل الأطفال وأشتري لعب وأتمرجح يااااااااااه فكرتيني بجد بالذي مذى

بث أنا ياختي لثه ثوغنتته ههههههه وبرده بتمرجح بث في بيتنا هههههه

كل سنه وانتي طيبة يا كميلة

في رعاية الله

kh يقول...

السلام عليكم ورحمه الله وبركاته

الاول/ كل سنه وانتى طيبه

ثانيا / بجد انا مكسوف منك والله بس كله خارج عن ارادتى بجد انا حاولت كتير ادخل على المدونه بتاعتك بس ما كانتش بتحمل مش عارف ليه بس المشكله مش عندك المشكله فى البلوكر اللى انا حاطه عندى على الجهاز فأقبلى أعتذارى
ودلوقت بعد ما وصلت للمدونه اللى كانت وما زالت بجد من أولى المدونات اللى عرفتها من ساعت ما دخلت عالم التدوين بحب أقول لصاحبتها بحب أقول لك يا جهاد كل سنه وأنت بألف خير كل سنه وأنت طيبه

وعلى فكره أنا متابعك ومتابع تعليقاتك فى المدونات الأخرى التى أستطيع الوصول لها
وكمان متابعك على البرنامج الأذاعى أنت تسأل والكمبيوتر يجيب بجد بتمنالك كل التوفيق وأنا لسه مستعد أشرحلك أزاى ممكن تضعى الأعلانات على مدونتك

ودلوقتى أقدر اقول لك
سلاااااااااااااااااااام

الاسطى يقول...

السلام عليكم
جايين نرد الزيارة
و بأمر الله كمان مش هاتكون آخر زيارة ..
حبيت بس أقولك كل سنة و انتى بكل فرحة و سعادة و هنا و سرور و بهجة و راحت بال ... و يارب السنة دى تكون أحسن من كل اللى فات .. و اللى جاية تكون أحسن من السنة دى ألف مرة ..
قولى يارب

Meme يقول...

سلام عليكم

انا جايه اعيد معاكي و اسجل ...ينفع ولا لاصحاب العيال بس؟؟
كل سنه و انتي بألف صحه و سلامه ياااااااااارب

Meme يقول...

اه على فكره مدونه تحفه بجد
ربنا يخليك للعيال

حاجــ عيال ــات يقول...

السلام عليكم ورحمة الله وبركاته

...................

غروب:
حبيبتي كل سنة وانت طيبة واحنا دايما مع بعض بنحب بعض وبنخمس في سندوتش واحد مع بعض بس يكون فاهيتا بقى المرة اللي جاية
وعاوزة اقولك ان مفيش عيدية اصلا عشان اصرفها
أنا مستنياكي عاشن تديني عيدية ياحبيبة قلبي
.........
محاسن صابر :
تعظيم سلام لنجوم التليفوزين
منورة عندي وكل سنة وانت طيبة والعكروت عبد الرحمن بخير وصحة وسعادة
ومرسي على دعواتك ليا
...........
د/حماس
منورني يادكتور
وكل سنة وانت طيب
ويارب كل عيد تكون معانا في سعادة وهنا
وعيديتي فين يبقى...!
............
أنافس الصباح:
كل سنة وانت طيبة ياخالتو
وانا كمان بحبك أوي
و ياريت تيجي تلعبي معايا على طول
...........
ماما أمولة:
أم المدونين ربنا يخليكِ لينا يارب
ويجمعنا مع بعض في الجنة
وكل سنة وانت طيبة ياحبيبة قلبي

............

محمد غالي:
كل سنة وحضرتك بخير وسعاده
ويارب عيد سعيد على كل مسلم
منورني والله
......
لماضة:
لمضمض الجميلة
منورني يادكترة امال فين السماعه اصلي اتخبطت في صباعي ومن ساعتها حاسة ان ودني مش سامعه بيها خصوصا لما حد يقولي هاتي العيدية ودني بتعطل تماما
كل سنة وانت طيبة ياقمر
............

m.k:
كل سنة وانت طيب دايما
والخروف اتفضله..بس تحبه صاحي ولا نقطعه
عامة برده عاوزة العيدية
...........
محمود الدوح:
منورني أول زيارة ليك
بس بجد سعيدة بيها وكل سنة وانت طيب
ومدونتى اعتبرها مدونتك وقل ما تشاء وقتما تريد
...........
أحمد راضي:
كل سنة وانت طيب يا أحمد وبجد منورني في العيد اول زيارة ليا بس مناسبتها جميلة
وياريت دايما تكون سعيد بكل عيد
..............
إحساس طفل:
منوراني ياجميلة
وعلى فكرة اللي فلت نظري ان اسمك زي فكري
يعني انا كمان احساسي طفل
ويارب اكون عجبتك وما تغيبيش عني
..........
زي الهوا:
كل سنة وانت طيبة ياحبيبتي
ويارب تكون دايما سعيدة وفي اتم حال
ونورتيني في العيد
..........

حاجــ عيال ــات يقول...

كلاكيت تاني مرة
السلام عليكم ورحمة الله وبركاته
.................
mo5tar:
كل سنة وانت طيب
وطبعا العيد هو صلاة العيد واللمة والزحمة اللي بتصل في مصلى العيد بس منغير ما تضيع الكوتشيات ولا الحركات دي
والبلالاين ياسلام
نورتني بجد
..........
شخابيط محجوب:
كل سنة وانت طيب وكل الاهل والاحبة بخير وسعادة
وزيارتك اسعدتني
ويارب دايما اكون مقدمة المتعه والافادة
............
رومانــسي:
كل سنة وانت طيبة يارومانسية الدنيا كلها
وياب تفرحي وتعيشي اجمل عيد في حياتك
ومنوراني هنا
...........
أقصوصة:
كل سنة وانت طيبة ياحبيبتي
وعيد سعيد على كل المسلمين
ويارب تكوني دايما سعيدة
..........


رئيس التحرير:
كل سنة وحضرتك طيب ياأستاذنا
والعيال برده يتنسم كده هزعل بقى بجد
لازم نهتم شوية
وبعدين في العيد كانوا المفروض ييجيوا عندي
يالا بقى ملحوقة ابقى سلملي عليهم كتير
...........

مستر رأفت:
كل سنة وحضرتك طيب
ومرسي على تشريفك ليا ومتابعتك
ويارب يكون عيد سعيد على كل الاهل والاحباب
..........
م/الحسيني لزومي:
كل سنة وحضرتك طيب يا أستاذنا يارب
ونكون صحبة على عرفات
.........
طوبة فضة وطوبة ذهب:
كل سنة وانت طيبة ياجميلة ويارب تكوني دايما معانا هنا ومع اطفالنا الحلوين
.............
بسمة صلاح:
كل سنة وانت طيبة يابسوم ومنوراني يابسبس ياحبيبتي
وما تغيبيش عني
..........

حاجــ عيال ــات يقول...

كلاكيت تالت مرة
السلام عليكم ورحمة الله وبركاته
...............
أحمد صلاح:
كل سنة وانت طيب يا أحمد
وياريت العيد يكون كل يوم فيه صلاة
ياسلام
أنا فعلا كنت متخيلة انه كده ..وانا صوغيرة
جيت في مرة من المرات ونمت وماقمتش اصلي العيد معاهم زي ماحنا متعودين
وبعدين سمعتهم بيحكوا مواقف حصلت وانا مش معاهم
فقلت لبابا انا مش هنام تاني وابقى صحيني بكرة بدري عشان اصلي العيد معاكم بكرة
فضحك وقالي مخلاص العيد خلص
فقلت له لاء يبابا بكرة
قالي العيد اول يوم بس ياجيجي
زعلت جدا
ومن يومها بقيت حريصة جدا على صلاة العيد اول يوم
وعلى فكرة موضوع ان العيد بتضيع حلاوته كل مابنكبر مش من العيد لاء مننا احنا
المشاكل دايما بنخليها بتتحكم في حالتنا وجو الحياة اللي بنعيشها لكن لو تماسكنا وقدرنا نقدر قيمة الفرحة ونعيشها صح هنقدر نتجاهل المشاكل تماما
وكمان لما هتعمل كده يمكن توصل لحل لأي مشكلة

وكل سنة وانت بخير وهنا يارب ومنورني دايما
..........

عايش على الهامش
كل سنة وانت طيب دايما
والمعيلة مش حاجة وحشة دي هي البراءة والنقاء والصدق
يارب كلنا نكون في صدق العيال
.........
رئيسة حزب الاحلام:
كل سنة وانت بصحة وسعادة وأحلامك كلها تكون سعيدة وجميلة
ومنوراني والله
والعيال كلهم مبسوطين بيكي
........
هو مش نو:
كل سنة وانت طيب وتكون بطلت هوهوة بقى
اصلي مش بحب صوت الكلاب
على فكرة يا ... أنا عاوزة اقولك حاجة بجد ربنا امرنا اننا نستعيذ بالله من الشيطان الرجيم لما نسمع نباح الكلب ..ليه مصر تمثل هذا النباح
أرجو تفكر في كلامي من غير اي زعل وأهلا بيك مدونا بناءً.. اكيد ليك أفكارك اللي هتفيدنا وهتمتعنا كمان بس برده ياريت من غير هوهوة
تحياتي
...........
فارس الاخوان
كل سنة وحضرتك طيب وبكل صحة وسعاده وهنا
وربنا يقبل مننا صوم يوم عرفة واجعلنا من الحجيج العام القادم ان شاء الله
............
عاشقة الاقصى:
كل سنة وانت طيبة ياقمر
بتقولي ايه ..هتديني العيدية آه ياريت مش انت بتقولي كده برده
اصلي مش بدي عيدية لحد بآخد بس بصراحة أمال انا عاوزاكم تعيدوا عندي ليه
...........
ميور موري:
كل سنة وانت عثل ياعثل
ووحشاني دايما كده
فينك غايبة عني كده بقالك فترة وأخبار منة وحبيبة ايه
بوسيهملي واحد واحد
وكل سنة وهم طيبين
...........
kh:
خالد كل سنة وانت طيب
وما تنكسفش من حاجة انت نورتني على اي حال ويارب يكون العيد جميل عندك
بس انا في انتظارك تفضي بقى وتساعدني في اللي كانت عاوزاه
يلا سلام مؤقت
............
الأســـطى:
الاسطى منور عندنا وكل سنة وهو طيب
ويارب عيدنا يبقى له طعم تاني
وعلى فكرة العيال كلهم مبسوطين بيك
وابقى تعالي
...........

ميمي:
كل سنة وانت طيبة ياميمى
وطبعا نلعب ما نلعبش ليه أنا بمووت في اللعب
وتسجلي كمان العيال والكبار من حقهم ييجيوا عندي ونلعب سوا
والله نورتيني ياميمي
...............
كل عام وأنتم جميعا بخير
جهـــــاد مشالي

فشكووول يقول...

ازيك يا جهاد .. وحشتينى .. اصل كنت بعيد خارج المنزل وبعيد عن النت عشان كدا اتأخرت فى الرد .. هو انا اقدر ما اعزمكيش با بتاعة الراديو انت .. كل يوم .. يقولوا .. قالت جهاد مشالى .. وانا اقول .. شوفوا بقى جهاد مشالى دى بقى بنتى حبيبتى .. كل عام وانت بخير ونكون على جبل عرفات العام القادم والناس يقولوا لك يا حاجه جهاد .. ايه رأيك

نـــــور يقول...

تعرفى
فرحت بمدونتك جدا
اصل بحب شغل العيال ده
بس الميزة عندك انه مش اى شغل عيال ده شغل عيال بعقل جدا :)
برافو عليكى انا حبيت مدونتك جدا رغم ان دى اول مره ادخلها
عيدك سعيد ياجميله
وكل سنه وانتى بخير ومن تحبين
تعليقك عندى رقيق اوى متشكره اوى اوى عليه :)

Rzalp يقول...

كل سنة وانتى طيبة
Fehlen جهاد
عيد سعيد
ويارب تكونى بخير يارب
ونتجمع على عرفة ان شاء الله
احنا والمسلمين اجمعين
واسف انها جات متاخرة
تحياتى

hiCivil يقول...

وانتى طيبه

hicivil يقول...

وانتى طيبة يا جهاد

Unknown يقول...

كل سنة وانت طيبة
مودتي

حاجــ عيال ــات يقول...

السلام عليكم

عمو صلاح ..كده ياعمو أقول أول واحد هيعيد عندي عو الفشكوول ألاقيك تروح تعيد في بيت العيلة ..طيب..أنا بقى هعملكم هنا بيت عيلة عشان محدش يروح ولا ييجي بس

وكمان سمعت عني في الراديون..احم احم ..مانا بقيت مشهورة اوي ومنى الشاذلى كمان بقيت تغير مني ..لكن مبرضاش اقول.. حضرتك عارف عن تواضعي ..

وكل سنة والناس الطيبين طيببين
سلام ياعمو
جهاد مشالي

حاجــ عيال ــات يقول...

السلام عليكم
.......

Rzalp
كل سنة وانت طيب يااستاذ محمد
ويارب يكون عيد سعيد عليك وعلى جميع الاهل والاقارب
........

Cotama News يقول...
وانتى طيبه

وحضرتك طيب وبصحة وسلامة
نورتني
.........


hicivil يقول...
وانتى طيبة يا جهاد

وحضرتك بخير وطيب يارب
مرسي على زيارتك
..........

كاتب مصري
كل عام وحضرتك طيب وبخير وبسلامة
ومرسي على اول زيارة ليك عندي
.......

جهاد مشالي

رئيس التحرير يقول...

السلام عليكم ورحمه الله
السنيوره جي جي ...بشكرك علي مرورك وما اتوقعه منك مشاركه في الفكره وترشيدنا للأجابه عن التساؤلات
انت مش بخيله ...وعندك ثقافه واسعه وكل كلمه من كلامك لها مكان عندنا لو تكلمن في الموضوع تاني ...أوعي تزعلي ...شاركي أحسن من كده ...والا ...

رئيس التحرير يقول...

جي جي
تعليق كلمتين وبس لا ...اي حد يقول كلمتين ويمشي ماشي ...
لكن..جهاد مشالي..أنا بنتظر تعليقها ومشاركتها في الموضوع لأنها بتفهم ..وبتفكر مشاراكاتها فعاله وجاده ...مش زي الي بيقولوا ...بوست رائع تحياتي !!! فهمتي قصدي ولا لسه ؟

حاجــ عيال ــات يقول...

السلام عليكم
امممممممممم ماشي كلامك
على عيني وعلى راسي ..وصلت يافندم معلش العتب على المواصلات اتاخرت شوية في الفهم بسببها

أشكرك على التوضيح

ومنور عندي دايما يا أستاذنا
كل سنة وحضرتك بخير
تفتكر دي المرة الكام أقول كده

رئيس التحرير يقول...

لجمال برده مرتبط بالعلم" يظل الانسان جميلا حتى يتكلم فلو تكلم يزيد جماله او ينعدم تماما وينقلب بسفه"دي مش مقولة مأثورة ولا حاجة على فكرة دي خطرت ببالي وانا بكتب
ما خطر ببالك ...كان حكمه قديمه عند العرب ...حيث قالوا ...تكلم يا رجل حتي نعرفك .
فالكلام الجميل جمال...ورأيك في الوقار جميل ...عليكي بقراءه رأي عمي فشكول
في نفس الموضوع .
لك كل الاحترام والتقدير...

رئيس التحرير يقول...

جي جي
الوقت اتأخر ولازم تشربي اللبن وتنامي
آآآآآآآآآآآآه ....بكره اجازه
طيب انا ح اتصل بفركشاوي دلوقت يدخل في الموضوع ويوقع بينك وبين عمو صلاح
انت عارفه انه اسمه احمد مش صلاح؟
******** ما قلتيه في الوقار لا يتناقض ولا يختلف عما قاله الاستاذ صلاح ...وأعرضي عليه الموضوع ...
والوقار كالهيبه ..والرهبه ..والاحترام ..قيم ليس من السهل تجسيدها ...وندور حولها وحول قيمتها لكن لا نصل لتعريف محدد لها...لانها غير محدوده ...ولنا حديث
مع الحكيم ...فشكول ...وشوفي عمك فركش يقول ايه ..ولا الكحيان اندي والله ما انا عرف ايه الي جراله...

غير معرف يقول...

كووووووووووووووووول سنه وانتي طيبه
معلش جت متأخره

daktara يقول...

اقرأ الحادثة
شوف بنات روسيا كاتبين ايه عن شباب الغردقة في
مهزلة sex tourism in hurghada

اسف علي استخدام مدونتك كأعلان ولكن الامر خطير

يمكنك مسحه اذا شئت

هــو..مش ..نـو يقول...

آسف ...من غير هوهوه
كلمتين صغيرين ...في بوست جديد
شوفيهم ...

قلب ينبض بالحب يقول...

كل سنة والجميل بيفيد الي حواليه كل سنة وانتي مفيدة كل سنة وانتي رقيقة كل سنة وانتي مشرقة

غير معرف يقول...

بنت ياجيجي ياقمرية بصي انا رديت على تعليقك عندي في المدونة وجيت ااقولك علشان انا واثقة انك هطلعي منه ببوست كده ومتاكدة من كده يالا بسرعة شوفي رالرد بتاعي

غير معرف يقول...

بصي يا بنت انتي انتي شكلك دخلتي وربعتي بس الي اقصده ياقمرية مش التربية بالحب الي اقصده التربية على الاستقلال وعدم طمس شخصية الطفل في شخصية الوالدين او احدهم والله انتي مسكر خالص بصي بقى ايملي رقمه اهوbadrcairo177@gmail.com

نفرتارى يقول...

على فكرة روحك جميلة جداااااااً .. فاحساس براءة الاطفال لابد ان ينبع من شخصية محب لحياة جميلة صافية واتمنى ان تكونى من سكان كوكب تانى انت واصدقائك .
واشكرك ايضاً على تعليقك اللطيف واتمنى تكرار زيارتك يا صغيرتى .

نفرتارى

من غير عنـــوان يقول...

كل عيد وأنتم بخير
ولو إنهامتأخرة

جنّي يقول...

السلام عليكم

كل سنة وانتي طيبة .. وان شاء الله تكوني قضيتي عيد سعيد ..

البوست جمل جدا .. برافو عليكي

تحيتي

عمرو يقول...

أحييكى على البوست الجميل و المفيد أيضا
كل سنه و أنتى طيبه و عاداتنا دايما بخير و دائمه

فشكووول يقول...

يا جهاد : ممكن عشان خاطر عمك فشكول انت وهو هو هو تبطلوا مساجلات مع بعض .. انتم من المدونين الكويسين وانا بحبك وبحب هو هو هو .. مش عايزكم تزعلوا من بعض وتقعدوا فى شد وجذب وفى الاخر احنا اللى نزعل عشان انتم زعلانين من بعض وانا تقريبا ما اقدرش استغنى عنك ولا عن جهاد ولما اشوفكم زعلانين يبقى اعمل انا ايه بقى ؟ وحرام نشوف اتنين زعلانين من بعض ومدونين كويسين وشاطرين وانا شخصيا اتعلمت منهم كتير انا حاروح عند هو هو هو واطلب منه نفس الطلب ده واذا كان فشكول له عندكم خاطر بلاش تزوروا بعض مؤقتا لحد ما تهدأ الامور وكل واحد فيكم يكون ارتاح نفسيا ومعنويا من التانى .. وبالنسبه لهوهو هو أنا فاهم يعنى ايه معنى الهوهوه بتاعته عشان احنا تقريبا بيقولوا لنا هوهوا على كيفكم واحنا نعمل اللى احنا عايزينه .. وان كلامنا كله بالنسبه لهم هوهوه وعشان كدا هو هو بيرمز بمدونته لهذا وكأنه عايز يقول ان مدونتى آذان فى مالطه .. ماشى يا جهاد ..ماشى يا هوهو مش معقول على العيد نتخانق مع بعض مع ان المفروض اننا نعيد على بعض .. كل سنه وانتم الاثنين بخير انا جيت بعد ما احوال الهوى قال الحق جهاد وهوهو ماسكين فى بعض قلت اروح اخلصهم من بعض .. يا ترى حتكسفوا فشكول انتم الاثنين ؟ نشـــــوف

Unknown يقول...

الأخت الفاضلة : جهاد
السلام عليكم ورحمة الله وبركاته
كل عام وأنت بخير وإن شاء الله موفقة ومن الناجحات المتميزات...
وآسف لتأخرى وجعل الله كل أيامك أعياداً
بارك الله فيك وأعزك
أخوك
محمد

mr_raafat يقول...

جهاد ... إنت فين ياجهاد
كل سنة وانت بصحة وسعادة
نعم فسير الصالحين كلها عظة وعبر للعاقلين الراشدين من أمثالك وهم النبراس الذي ينير لنا الطريق وإذا اقتدينا بهم اهتدينا ويجب أن يكون دائما أمام أعيننا لنأخذ منهم العبر والدروس ونقتفي أثرهم .
العزيزة جهاد دمت في سعادة ولا تحرمينا من مقالاتك وتعليقاتك الجميلة

نادية كيلانى يقول...

طيب يا جهاد

اكتبى وتألقى ولمى العيال حواليك

انت آمان عن التليفزيون، نسيب فى

ايدك العيال ونطمن.

كل سنه وانت طيبة

حاجــ عيال ــات يقول...

السلام عليكم
.........
هاجر زعبل
منورة عندي ياهجورة
وكل سنة وانت طيبة ياقمر

..........

قلب ينبض بالحب:
كل سنة وانت طيبة ومنوراني دايما
...........

نفرتاري
رقتك الجميلة هي اللي خليتني رقيقة
مرسي على زيارتك الاولي ليا
كل سنة وانت طيبة
......

من غير عنوان
كل سنة وحضرتك طيب
ويارب دايما تكون منورني
...........

جنى:
كل سنة وانت طيب وبخير وسعادة
ومرسي على زيارتك وتشريفك
...........

حاجــ عيال ــات يقول...

السلام عليكم

..............
عمرو:
مرسي على زيارتك وعلى كلامك الجميل
وكل سنة وانت طيب دايما يارب
........
عمو الفشكوول
كل سنة والكل بخير
ومفيش مشكلة
.......
أ/محمد الجرايحي
دائما تسعدني زيارتك وتمتعني مدونتك
فهنيئا لي بك
..........
مستر رأفت
استمتعت بجد بتدوينتك يا أستاذ رأفت
واتشرفت بزيارة حضرتك
وكل سنة وحضرتك طيب
.........
أ/نادية الكيلاني
ياربي طنط نادية سخصيا عندي
أهلا بحضرتك ويارب تكوني دايما بخير

وبركات التليفزيون بركاته

.............
جهاد مشالي

E73 يقول...

احم احم
ينفع اقول حاجة دلوقتي ولا ايه؟
مش هقول طبعا لأني عارفة انتي نفسك تعملي فيا ايه
بس انتي عارفة بقى اللي فيها
واني مكنتش اصلا برد عندي علشان ارد عند جوجو شخصيا
آسفة خلويص يا جوجو
وأعتقد النهاردة عوضك باللي حصل فيه عن كل ايام العيد
هيهيهيهيهيهيهيهيهيييييييييييييييي
مش كدة ولا إييييييييييييييييييييه؟