الأحد، 23 نوفمبر، 2008

اضحك كركر ..اوعي تكشر







مي: مالك ياماسن مقلطتم ليه
مازن: مفيس يامي متايق سوية
مي: مين مدايقك بس باباك بيدوه
مازن:هو فيه غيله هو ومياتوه
مي: ومامتك كمان مزعياك
مازن:أيوة يا مي خانقني والله مش عارفة أيعب أو أتحك أو أحمل أي حاكة كل حاكة عاوزين يسكتوني عيسان يعيفوا يتكيموا أو يعيفوا يستخيوا او عسان في تيوف
مي:معييس يا ماسن بكرة تكبل وتيكي نلحب مح بحطينا من غير حد مايزحجنا
اصبي شوية
مازن:أنا أصب لا ..لا..لا.لا.. أنا هضحك بصوت عالي حتى لما يكون في تيوف
بس هه

.................
الطفل مش غبى يا جماعه الطفل بيفهم كويس أوي ومشكلة بيقع فيها كل الناس إنهم بيكونوا فاهمين ان الطفل مش فاهم هو بيقول ايه او بيعمل ايه كل الحكاية انه مش بيقدر يعبر زيك ..مش بيقدر يستوعب بنفس سرعتك..لكن بيقدر يخزن ..بيقدر يطلع نتايج ذكية ..ردود أفعال مناسبة
مازن ياحرام بيتكلم مع مي صاحبته وبيشكيلها من ماما وبابا اللي كاتمين على نفسه
ومش بيخلوا مازن يلعب ولا يدحك خالص
يضحك ياجماعه يضحك
الضحك حاجة مهمة من حاجات العيال
الضحك مفيد لصحة أطفالنا الجسمانية والعاطفية،فبلاش تحرميه وتحرمي نفسك من نعمة الضحك وكمان لحظتها بتفيدك بمتعه جميلة انت وبابا لما تشوفي مازن الجميل بيضحك
طيب هل في طرق ممكن نخلي بيها الطفل يضحك
يعني ازاي اضحك ابني الجميل





شوفي ياماما وشوف يابابا كمان هو انت مش هتضحكه ولا ايه..!
الأطفال بيضحكوا مثلا لما يشوفوا البالونات الملونة
أو فقاقيع الصابون وأنا فاكرة لما كنت صغيرة بابا كان بيشتري لي دايما العلية اللي بحط يها صابون وفيها ريشة بلاستيك اطلعها وأنفخ وتطلع فقاقيع ملونة وأنا لغاية دلوقتي بحبها
الموضوع ده طبعا بييجي بالاكتشاف ازاي..؟ يعني كل طفل ممكن يضحكه حاجات مختلفة عن الطفل التاني
وماما بتقدر تعرف ده بمعايشتها لإبنها يعني مثلا لما يكون زعلان تقعد تحايل فيه لغاية مايضحك ولما يضحك المرة دي ممكن الطريقة دي ماتضحكوش المرة التانية

*فقاقيع الصابون:
اشترى علبة فقاقيع صابون من أى محل لألعاب الأطفال واستخدميها لتنفخى الفقاقيع لطفلك! هيستمتع طفلك أوي برؤية الفقاقيع وهى تكبر وتطير فى الهواء وبعدين تنفجر





*القبلة الكبيرة:
بللي شفتيك ثم انفخي بلطف على جلد طفلك (على سبيل المثال على صدره، بطنه، أو ذراعيه) فالصوت والإحساس بالزغزغة بجد هيضحكوه وهتكوني سعيدة بضحكه اوي
وطرق كتيييييييييير ممكن تكتشفها الأم بنفسها بس تكون فعلا مهتمة بسعادة ابنها


العندعند الطفل مشكلة بيعاني منها كتيييييييير من الأهالي
ودي مشكلة بيتيجي من رغبتهم في إثبات ذاتهم وكمان نتيجة عن طريقة تعامل بابا وماما معاهم بشكل مش صحيح
وممكن أذكر باختصار بعض اللمحات نعالج بها مشكلة العند

أولا :لما يعاند الطفل في مسأله معينة ما ركبش دماغي وأعمل عقلي بعقله وأعاند قدامه..وممكن أنفذ له طلبه بشيء من الحكمة يعني من غير ما أبين له اني عملت كده بس عشان أخلص من زنه لا.. لأن لو حس بكده هيستغلك بقى كل مايحتاج حاجة هيعيط ويعمل نفس الحاجت اللي جابت نتيجة المرةالأولي

ثانيا:لما أحب أعلم ابني حاجة لازم أربطها بحاجة تانية هو بيحبها مثال بسيط جدا موضوع النوم ممكن نربطه بحكاية حدوتة وبكده هنخلي أمر نوم الطفل محبب ليه بعد ماكنت بتشيلي همه وخصوصا بقى لما يكون بابا وماما على السرير جنبه وبيضحكوا مع بعض وقتها بيشعر الطفل بجو من الدفء الجميل

ثالثا:مدحهم قدام الناس يعني لما يكون في حد غريب أو قدام ضيوف بلاش تشتكي منهم عشان دي حاجة فعلا بتضايقهم جدا وبتدفعهم للعند لكن العكس بيخليهم أكثر هدوء وبيسعي كمان انه يكون افضل

رابعا:إنك تتيحي له الفرصة إنه يفرغ طاقته اللي جواه بالرياضة مثلا أو اللعب أو حتى إنه يكسر لعبه مش مهم وهي دي مهمة اللعب..لكن طبعا نحاول بقدر الامكان إننا نوجهه لنشاط مثمر

الطفل ده بيكون بالنسبة للمجتع أناني وبالنسبة لنفسه من حقه يحصل على لكل حاجة طبعا هو مش فاهم إن دي انانية لكن دي طبيعته حاجة بسميها المتخصصون(التمركز حول الذات)
لأنه مش بيكون شايف أو مقتنع أو حاسس غير بنفسه والطفل الحيقيقة عشان يكون طبيعي لا زم يمر بالمرحلة دي ساعدوه ان يمر بيها بسلام

وســــــــلام

هناك 36 تعليقًا:

مفكر يقول...

السلام عليكم::

أنا لساني اتلوح على فكرة

طبعاً أنا مش بإيدي غير اني أقرأ المقال المهم دوت لكن بصراحة مليش رأي واضح أو نقد بناء للمقال،،،

الكلام مقنع إلى درجة كبيرة،،،

فعلاً الأطفال محتاجين الضحك والنط واللعب ومينفعش أكتم نفسهم،،،

كمان المدح بجيب نتيجة إجابية في معظم الاحيان عن الذم،،دي حاجة لاحظتها لما استعرضت مواقف من طفولتي وانا بقرأ المقال،،

منك طبعاً نستفيد وأهو الواحد بيجهز نفسه،،

تحياتي

Eng. Ahmed Abo El-Ella يقول...

الطفل هيضحك من قلبه بجد لما يحس ان الهدف اننا نسعده ونضحكه مش نضحك عليه أو نقيده

mohamed ghalia يقول...

بجد إنتى لازم تألفى كتب فى التعا مل مع الأطفال
عندك قدرة على التعامل معاهم وفهمهم رائعة
لكى منى كل التحية
منكى نتعلم دائما

fashkool يقول...

يا حاجات عيال .. والله فعلا حاجات عيال وعلى فكره انا حاتيك ولده وليحتها حوه خايص عسان البوست بتاعك ته اسله بوست حو خايص
وبعدين انت يا حاجات عيال .. لسه طفله زيهم والله وزى العسل .. تحياتى واشكرك على الزياره وما تغيبيش على عمك فشكول

غروب يقول...

جوجو:

بجد البوست عسل

دمه خفيف ومفيد ومرتب اوووى

مزهقتش وانا بقرا

بس ضحكت اوى وانتى بتقولى اولا اشترى لعبه كذا ثانيا بليي شفافيك واعمللا كذا

حسيت انى في برنامج طبق اليوم

هههههههه

تسلمى على الموضوع الجامد ده

ستك وتاج راسك

غروب

mero-moory يقول...

السلام عليكم و رحمة الله و بركاته

ياخلاثي يا خلاثي ع العثل مازن ومي ثكرين خالث خالث بكد بكد عثاثيل

عجبني الحوار اللي عملتيه جدا وأسلوبك في الكلام دوما عن البيبيز علقني بمدونتك يحني حندي أتفرج حليهم وألحب محاهم وحندك أفهم أكتر وأتثلي بضحكهم ولعبهم هههههههههه

بجد انتي ثكر

ميرسي ليكي يا كميلة

في رعاية الله

kh يقول...

احلى حاجه فى الدنيا الأطفال فأنا أعشق الأطفال جدا لأنهم مثل الملائكه والطفل دائما على طبيعته .

يمكن زياره مدونتى


http://successka.blogspot.com/

kh يقول...

لو عاوزه تعرفى الرد زورى مدونتى

المبرمج المحترف يقول...

مدونتك جميله بجد

بتفكرنى بالطفوله

ههههههه


تحياتى

قلب ينبض بالحب يقول...

انتي شكلك سيكو زي على فكرة سيكو دي مش شتومة دي معناها في التخصص بتاعي دارسة علم نفس في البيت بيقولولي اني سيكو لان كل شي بيبقى ليا فكرة مختلفة وياسلام لو قلت ان ده تصرف مش صح اسكتي بقى عينك ماتشوف الا النور وكلام فيما معناه مااحنا ارتبينا زي الفل وكلام كده المهم ماعلينا اسلوبك لذيذ ياكميلة يا مسكرة ياعثل

عايش علي الهامش يقول...

ايه دي مازن بيشتكي لمي لا لا الواد ده عاوز الضرب فكرني بالنكته بتاعت الواد الي راح لجارته وقالها طنط ممكن اشوف لسانك اصل ماما بتقول انه عامل زي العقربه

من حق الطفل انه يضحك اكيد وده بيطلعه طفل سوي لانه اكيد لو اتعود يكشر هيطلع معقد بس اهم شئ ده يتم بحكمه علشان ميطلعش شخصيه هزليه الحياه عنده بعيده كل البعد عن الجد حتي الطفل رغم سنه لازم يتعلم دايما ان في وقت للضحك ووقت للصمت صحيح مع الاطفال لازم نخلي وقت الضحك اكبر بس لازم يعرف ان في حاجه اسمها الجد كمان
يعني حتي الطفل لازم يعرف سياسة الثواب والعقاب بطرق ابسط لازم يعرف سياسة المسئوليه بس بطريقه ابسط زي كده لما ام بتدي لابنها او بنتها صور يرتبها او حاجه بسيطه يعملها ويجي فرحان انه عملها انه حس بالمسئوليه مش كله ضحك يعني

وبعدين احنا كمان محتاجين نضحك والله رغم اننا كبرنا بس محتاجين نضحك لان معانا احنا قلة الضحك والكتمه بتجيب الضغط هههههههه

شكرا لك

فركشاوي ..ناوي يقول...

G.G
والله ما انا عارف اقولك ايه ؟
وكمان مش قادر اخرج من غير ما ارد عليكي .افركش ولا افلسع ولا اهرب ولا اضرب ..ما احنا بلضو بنعلف نلبي ولا انت بس يعني الي ساتله..ما احنا بلضه يعني ستار..سرسار أوي يييه ستار يارب.
.........gege
عندي مشكله الولد ابني 5 سنين بس جد خالص ويا دوب اخرج من البيت ويعمل راجل علي اخواته البنات ..امه بتقول انه بيتكلم معاهم بصيغه الأمر وكمان بيمد صباعه السبابه عليهم ...وهو مبحلق عنيه ..اعمل ايه؟ أضلبه ..

maha zein يقول...

ايه ده انا جيت الحضانة وانا مش واخدة بالى
ومين مازن ومي والعيال دي
لا العيل اللى يتقلب علينا وينشف دمغاه نكسرهاله
معندناش عيال تدلع
هههههههههههههههه
طبعا بهزر
طبعا الاطفال محتاجين فعلا اننا نشكلهم صح من وهما صغيرين
واننا فعلا نديهم كتيييييييير من وقتنا
ونفضل كده لحد الطفل الاخير
مش نهتم بالاولاني وخلاص

مدونة عسولة وقال كوكو واوا قال
ربنا يرزقك باطفال عساسيل تبقى تطبقي كلامك عليهم

ahmed_k يقول...

والله مش مهم للأطفال فقط
الضحك مهم وصحي للطفل وللكبير أيضا
فهو الحياه والإقبال عليها
والطفل بحاجه للضحك لإشعاره بمدى إرتباطه بأسرته وحبهم وحرصهم على إسعاده,
وأتذكر لعبة فقاقيع الصابون اللي كنت بحبها جدا وأنا صغير وكنت بلعب بيها ممكن بالساعات ومحسش بالوقت خالص طول ما انا بلعب بيها هيييييييه أيام

حاجــ عيال ــات يقول...

السلام عليكم ورحمة الله وبركاته

مفكر:
سلامة لسانك يا أبو التفاكير
ومرسي جدا على رأيك وعلى وجودك وكلنا على فكرة ممكن نستفيد من بعض مش بس أنا إللى بقدر أفيد
وجودك جميل ونورتني
............
البشمهندس أحمد:
نورت كل الدنيا
ورأيك تمام وصح ومظبوط ومقدرش اقول حاجة عنه
..........

محمد غالي المحترم
متشكرة جدا على شعورك وان شاء الله ربنا يوفقني واعمل كده
بس دعواتك وخبراتك معايا
ومرسي على وجودك
............
عمو صالح الفشكول الجميل
واللي دايما منورني
نفسي أكون صغيرة أوي ياعمو بعيد عن أي مسؤلية لمجرد إني بتكلم زي الأطفال بحس إني نسيت الدنيا
دعواتك ليا

...........
غروب
ازيك ياجميلة وعارفة اني مقصرة في حق زياراتي ليك في المدونة
بس عارفة إنك قلبك زي قلب مازن بالظبط وهتسامحيني
..........
ميرو.
يخلاثي عليك إنت ياقمر
ويارب يرزقك بأطفال عثل زيك كده
سلامي ياقمر
..........
kh:
مرسي على زيارتك ووصلني الرد
بس ماوصلنيش تنفيذه
نورتني بجد
..........

المبرمج المحترف
بركاتك ياسي المبرمج
مدونتك ثرية بمواضيع انا مش فاهمة منها حاجة بسم الله مشاء الله عليك واضح ان الجهل نعمة هههه
اكيد هستفيد منك
ومنورني ياأصغر مبرمج
........

قلب ينبض بالحياة
شرفتيني ياجميلة ومونتك هتكون جميلة ان شاء الله
وربنا يوفقك
.....
عايش على الهامش:
متشكرة على رايك
وفعلا احنا كمان محتاجين نضحك بس انا بتكلم عن الطفل اللي مالوش اي ذنب في الدنيا الا انه اتولد في وسط بيت نكدي مش مقدر نعمة ربنا عليه
يارب ما نكون منهم
ويقدرنا على تربية اطفالنا تربية سليمة
وجودك أفادني بجد
........
جهاد مشالي

حاجــ عيال ــات يقول...

السلام عليكم ورحمة الله وبركاته

فركشاوي باشا بيه افندي
منور بجد يافندم عندي
أنا مش بغني هي جات كده لوحدها

وبالنسبة لموضوع الولد العكروت ابنك ياخلاثي أنا لو منك آكله
هههههه عشان طعمه حلو مش عشان اعاقبه طبعا
ابنك عنده 5 سنين يعني ده سن يكون الطفل ميال أوي للتقليد ..وده بيكون لشخصية لافته انتباهه يعني مثلا تصرفات والده اللي هو حضرتك أو أخوه الكبير أو أي حد قريب منه ومعجب بيه هتلاقيه يقلده في كل تصرفاته .. وبيعملها بمنتهى الدقة ..وكمان في الفترة دي بتتشكل شخصيته من بعض الادوار اللي بيقلدها يعني ابنك اللي بيمارس السيطرة بالشكل ده ممكن تتربي جواه السمه دي وده هيظهر على فترات وباشكال مختلفة يعن يهيكون مثلا قائد وهو كبير بس لازم يعرف قبل ده القيادة الصح بتكون ازاي...!
الاول عاوزة اعرف حضرتك بتمارس قدامه الادوار دي ..يعني ممكن تشخط او تأمر اي حد من البيت قدامه..او حتى حد تاني من الاهل بيعمل كده
او ممكن يكون بيتفرج على افلام وصلت له نفس المعني

احنا ممكن نتجاوز المشكلة دي..السن ده بيحب القصص والحواديت جدا خصوصا القصص اللي ابطالها حيوانات ممكن بابا يحكيله حدوته بتبين ان الولداالارنب الصغير اللي الناس كلها بتحبه وبتحترمه لازم يحترم اللي اكبر منه
من غير ماتوجه له اي امر انه يعمل كده
هو بنفسه هتلاقيه يعمل زي بطل الحدوتة وانت وقتها تكافئه عشان تشجعه على السلوك الكويس ده
وكمان اخواته اللي هو بيمارس معاهم السلوك ده ياريت مايتجاوبوش معاه خالص ولا يضحكوا لما يعمل كده قدام الناس على اساس انه دمه خفيف مثلا
لا.. يتجاهلوه تماما وكمان في اوقات مايعمل سلوكيات كويسة يبنيوا له انه صح وبرده يكافئوه
والمكافئة مش شرط شيء مادي
كلمة برافوا تعتبر مكافئة للطفل أو حتى نتكلم قدامه بصوت عالي وكأنه مش سامع عن الحاجات الجميلة اللي هو عملها
لكن ضرب او عقاب بلاش دي هتحول الموضوع لعند والعند بيضاعف المشكلة
اهم حاجة تخلي تصرفاتك محببه لطفلك عشان يعمل زيها وقتها بقى شوف انت عاوزز طفلك يعمل ايه واعمله انت وهو هيقلدك
يارب أكون قدرت اجاوب عن اي حاجة
وأسفة للرغي

نورتني
وأفادتني

حاجــ عيال ــات يقول...

السلام عليكم
الآنسة المحترمة الجميلة مها
آل كوكو واوا آل
من أولها قاسية عليا
ان بكد سحلانة منك

والله ونورتيني
وبعدين فعلا احنا معندناش عيال تدلع
احنا عيالنا مؤدبين جدا وعيال رجالة بجد
بيحبوا ماما وبابا
وحاجات كتير هنعرفها مع بعض ان شاء الله
سلام ياقمر وماتغبيش عني
...................

أستاذ أحمد
شرفت مكاني هنا
وكلنا فعلا كنا بنلعب بفقاقيع الصابون وكنا بنقضي وقت جميل معاها
ياريت كل الاطفال تعيش لحظات جميلة
..........
جهاد مشالي

رئيس التحرير يقول...

السلام عليكم ورحمه الله وبركاته
حاجــ عيال ـــات ...رجاله والله.
رئيس التحرير...لا يترك كلمه تمر دون ان يمرر عليها عقله جيدا ..ردك علي فركشاوي.. ناوي (دا اسم راجل دا)جعلتني افكر كثيرا في ارسال المدرسه الي عندي اليكي ..ايه رأيك نسيب التدوين ونفتح ..مدلسه..ماهو كله تدليس..كله بيدلس علي كله
جهاد يابنتي ...الله يديكي العافيه.بلافو

رئيس التحرير يقول...

علي فكره نسيت اشكرك علي انك جعلتيني من اهالي العيال...سكلا ناني..

هــو..مش ..نـو يقول...

الموضوات كتيره ...و مثيره
نحن نري والناس نيام ...نحن حراس الاغنام.
وعـند أي حركه نبعت تمام
انا صاحي وأنت تنام

أنفاس الصباح يقول...

أجمل ضحكة فى الدنيا
ضحكة الطفل

أكتر شيئ يخفف حزنك انك تقعدى ترقبيهم وهما بيضحكوا

ياريت كل اب وكل ام

يجربواالحكاية دى

سعات بحس ان الاباء والامهات بيحقدوا على اطفالهم علشان سعداء من قلوبهم

سبوهم يضحكوا

كفاية الدنيا الى هيكبروا يلاقوها

شكرا ليك ولمدونتك العثولة
بجد استمتعت بشوية معيلة من زماااان
محستش بيهم

نيرة و منةالله يقول...

مدونتك حلوة اوى
والموضوع طويل اوى
:)
انا رقبتى اتلوحت
بس حلوة الفكرة بجد
اول زيارة واتمنى التواصل

فركشاوي ..ناوي يقول...

حاجات عيال.
ايه الحلاوه دي؟
لالا...لأ بالراحه علينا شويه.
شكرا ...يا جهاد علي كتابعتك..
حقيقي ..اصبحت تعليقاتك من التعليقات التي أنتظهرها ...سلي لي علي.. بس خلاص.

fashkool يقول...

اسيك يا دهاد .. والله وحستينى .. انت فين من سمان .. اسل انا كنت حند فلكساوى ناوى ولقيتك ديت امسى حليكى .. يالله بأه سلامو حليكم

سيد الوكيل يقول...

شكرا صديقى العزيز لزيارتك مدونتى ( فهوة وشاى وأشياء أخرى ) على مكتوب
مدونتك جميلة ومبهجة
وأنا أحترم المدونات المتخصصة
أما كونها حاجات عيال فهى حاجات جميلة
واستفدت كثيرا من المعلومات الواردة فيها
تحيتى

اقصوصه يقول...

التدوينه وااااايد مفيده

وفيها ملاحظات مهمه فعلا

اسمتعت جدا بقرائتها :)

سعدت جدا بالمرور من هنا

دمتي بخير :)

حاجــ عيال ــات يقول...

السلام عليكم
العمدة رئيس التحرير
حضرتك نورتني
وموضوع المدرسة دي أكيد مقصرة ..؟!
على فكرة في حاجة الناس معتقدها ..وهي إن
التدريس لرياض الآطفال مهمة يقدر يقوم بيها اي حد ..لكن انا برفض تماما كلمة تدريس مع الطفل لكن افضل تكون معملة رياض الاطفال ...دي بداية وبعد كده هقول ان فعلا مش اي معلمة بتقدر تتعامل مع الطفل او تفهمه واحنا بنظلم اطفالنا لما بنخليهم عرضى لأي مؤهل متوسط...
ومفيش شكر على واجب يا أستاذ الأساتيذ دا شرف ليا تكون من الاهالي اللي عندي
............

هو..مش ..نو
مرسي على زيارتك
...........
نيرة ومنه
دويتو جميل والله يابنانيت
وانتم زي الثكر
وأسعدتوني
.....
فركشاوي ناوي
تأمر يافندم والله بس الولد الشقي دا يفضل كده شقي ههههه
ربنا يخليهولك يارب
........
استاس فسكووول
اسيك ..من سمان محدس سافك
يالا خيل ..البوست اللي كاي قلب

........
الاستاذ /السيد الوكيل
أشكر تواجدك على متصفحي
وأتمنى ان اكون دوما بناءة
وأقدم الافادة
تحياتي وتقديري
...........
أقصوصة
اتأخرت عيلا المرة دي يا ثكورة
يالا بقى يمكن نسيتيني
عموما نورتيني
.....
سلام للجميع
.........

Dr Ibrahim samaha يقول...

انا فى الأول والله مكنتش فاهم حاجة

بس الحمد لله لما خلص الحوار فهمت

فعلا الأاطفال يتطلبون رعاية خاصة
وخاصة ان لديهم ما يسمى بتراكم الخبرات

وقد تربيتهم السلبية فى الغر عليهم فى الكبر

ويحتاجون إلى عطف وإهتمام وحنان

وإحساسه بأنه فاهم ولديه من الذكاء الفطرى ما قد يغلب الأإنسان الكبير العاقل

بارك الله فيكم

د إبراهيم

hager za3bal يقول...

انتي روعه
انا اول مره ادخل عالبلوج بس عجبني موووووت
اولا حاجه جديده من نوعها
ثانيا دمه خفيف مووت
ثالثا مش هايف بالعكس دانتي بتتكلمي بموضوعيه وفلسفه عجبتني اوي..

دمتي بكل خير وود

تحياتي

فركشاوي ..ناوي يقول...

جل.. جل ..
أنت لسه في اضحك كركر؟ بس انا مكشر..
الراجل الي هناك لابس اصفر ونظاره حمرا ولحيته سودا فيها حته خضره ...ايه مش عاجبه اسمي ؟
يغلط في حقي وفي مكانك ..لا لا ياجيجي ..جيجي جيبي لي حكي منه ...
-----------
همتك بقي في انتظار الجديد..
كل سنه وانت طيبه ..
اوعي تنسي تصومي يوم عرفه.

أسما عواد يقول...

مدونة جميلة جدا
ليس فقط بما تحويه من بوستات جميلة ولكن أيضا بروح صاحبتها
احنا بنشترك في حاجتين اولا ان انا من الدقهلية زيك
ثانيا اننا مهتمين بالاطفال
عزيزتي جهاد
سعدت بزيارتك لمدونتي وتركت بصمتك عليها

أنفاس الصباح يقول...

عزيزتى

رديتى على ناس قبلى واخرين بعدى

ياتلاى سقط سهوا

ولا ...

حاجــ عيال ــات يقول...

السلام عليكم
الدكتور ابراهيم
نورت عندي وبجد أسعدتني زيارتك
وأتمنى أني أقدم المتعه والافادة في نفس الوقت
...........

هاجر
مرسي ياقمر على كلامك
وفعلا حبيت ردك اوي
ويارب دايما تكوني متواصلة معايا
..........

خلاص يافركشاوي فركش البوست ده
والبوست الجديد تعبان فيه اوي
دعواتك بقى اعدي الازمة دي على خير
...........
أسماء عواد
جميل اننا مشتركين في نفس الميول ونفس الميا(مية المنصورة)يعني كيميتنا واحدة
نورتيني
وياريت اتعرف بيك اكتر
.............
أنفاس الصباح الجميلة
طبعا نسيتك واعذريني
مع ان اسمك لفت نظري وعجبني جدا
لكن جل من يسهو بقى ياقمر
ويارب ما تزعلش مني
ومش هنساك تاني ابدا
نورتيني مرتين وده كان سبب حلو اني انساك
.........
جهاد مشالي

DR.B يقول...

بتد الموتوع تا تويس أوي بس في مسكله أنا حاسس إن لتاني معتس عارف ينطق طح


مشكلة مي ومازن مشكله موجوده فعلا خصوصا مع العيل الأول بجد مشكوره

Beram ElMasry يقول...

ابنتى . حاجات عيال
السلام عليكم ورحمة الله وبركاته اجمل التهانى بمناسبة عيد الاضحى المبارك اعاده الله عليكم وجميع الاهل بالخير والبركة ، وجعلنا واياكم من الملبين فى العام القادم
والسلام عليكم ورحمة الل

حاجــ عيال ــات يقول...

السلام عليكم
dr.b
انا مش فاهمة النيك نيم ده معناه ايه يافندم
لكن عموما منورني والله دانا الفرحة مش سايعاني يا محمد باشا
وكل سنة وانت طيب
وعلي فكرة بلاقي مشكلة في اضافة تعليق عندك
ياريت تلاقي حل
..........
استاذ بيرم المصري
كل سنة وحضرت بخير
ويارب يكون عيد سعيد
...........