السبت، 15 نوفمبر 2008

بابا ..احكيلي حدوتـــة


كنا وكانوا زمان بنسمع بابا وماما بيقولوا عن حكايات جدو وحكايات تيتا
لكن هم ليه ما عملوش كده وحكوا لنا حدوتة
لأنهم مش فاضيين يعملوا كده .. وكمان هم فاهمين ان تيتا كانت بتحكي الحدوتة عشان هي فاضية ومش عندها حاجة تعملها ..
عاوزة اقول انه لاء مش بس عشان كده .. ده عشان تيتا دي كانت أم والأم بفطرتها بتعرف اطفالها محتاجه ايه وبتعمله ..( لكن امهات اليومين دول مش لازمهم يعملوا حاجة غير لنفسهم وبس ..وفي الآخر عاوزين أولادهم يكونوا أحسن من أولاد مها جارتنا ويجيبواا درجات أحسن منهم وحاجات عبيطة عاوزاها على الجاهزمن غير ماتتعب ) ...
والحكايات اللي كانت بتحكيها لأطفالها ولأحفادها كانت بتشعر بمتعتهم وبمدى تأثيرها فيهم عشان كده كانت بترضيهم والرضا مش بس متعه لكن تعليم
يعني مثلا بتلاقي إن مصطفي دايما يسألها وهي بتحكي الحدوتة وبتلاقي إن إجابتها على أسئلة مصطفي بتوجهه للسلوك اللي هيا عاوزاه
يعني مثال: ليه السلحفة سبقت الأرنب مع إنها أبطأ منه
ترد تيتا:عشان هيا مش كسلانة هي بطيئة لكن برده مش كسلانة ومشيت لغاية ماوصلت قبل الآرنب السريع الكسلان بكده اتعلم مصطفي أنه لازم يكون نشيط جدا ويسبق أي أرنب طبعا ده بعقل مصطفي

من كام سنة كان في حملة اقرأ لطفلك كان في ناس رديت على الحملة دي بعبارت ساخرة هو احنا فاضيين عشان نقعد نقرا ..هم أصلا هيفهموا ..دي ناس فاضية

القراءة للأطفال من أهم الحاجات اللي بتخليه مقبل على القراة بشكل عام يعني "على" اللي ماما بتقرأ له حكايات من الكتاب اللي فيه صور ملونة وجميلة وبيحب يتفرج عليها وماما بتقرأ له هيتعلم يقرأبنفسه قبل" أحمد" اللي ماما دايما مشغولة عنه وهيكون أشطر بكتير ..
في ناس هتقول أنا ابني ذكي وممكن يتعلم بسرعه ويكون أحسن من الولد اللي اتعلم القراءة قبله ابنك فعلا ذكي لكن هو فعلا فقد جزء كبير من ذكاءه الفترة اللي فاتت في الوقت اللي الولد التاني اللي أقل منه ذكاء تجاوز نقص ذكاءه بالقراءة يعني ابنك كان فعلا ممكن يكون أفضل منه دلوقتي بقه زيه او حتى اسوأ منه

القراءة كمان للطفل بتخليه أكثر قدرة على التخيل وتنمي إحساسه بجمال الاشياء والاحساس باللغة حتى وهو في السن الصغير ده دا غير متعته طبعا وهو بيتابع أحداث الحدوتة زي مابيقول عليها العيال الحدوتة بتخلي الطفل عنده خبرة إزاي يتصرف في المواقف المختلفة
يعني حدوتة التعلب والأرنب لما التعلب كدب على الأرنب ووقعه في الحفرةعشان ياكله وازاي قدر الارنب بذكاءه انه يخدعه ويهرب منه طبعا دا بينشط تفكير الأطفال وكمان بيهيئه لوجود أخطار يعني يكون فاهم إن زي مافي خير وسلام..في شر ولازم نقدر ندافع عن نفسنا

في حاجات لازم نعرفها لما نييجي نختار قصة معينة للأطفال ..لأن مش كل طفل بتناسبه كل القصص الأطفال من سنة3إلى 4 سنوات
طبعا الفئة دي محتاجة معاملة خاصة في حكاية الحواديت بنختار لهم القصص اللي فيها رسومات واضحة وملونة بألون (فاقعه)مبهرة وكمان شخصيات القصة أو الحدوتة تكون من الحيوانات والطيور لأن الطفل بيحب العالم ده أوي وبيجذبه جدا في الوقت ده من عمره وعنده قابلية انه يتعلم منه أكتر من إنه يتعلم من أمه أو أخوه الكبير
يعني مثلا الأسد يبقى هو الظابط اللي بيسمع كلامه كل افراد الغابة....

لما يتجاوز الطفل 4 سنوات

بيكون الطفل في حاجة انه يعرف حاجات كتير عن العالم المحيط بيه وبتكتر أسئلته وكتير بيضايق بابا وماما من أسئلته اللي بيعجزوا أحيانا عن اجابتها..
والطفل هنا هيبدأ ينفر شوية بشوية من القصص الخيالية المبالغ فيها لكن برده هيقبل عليها لأنه هيلاقي فيها اللي هو محتاجه لخياله ولازم ماما أو بابا أو حتى المدرسة اللي في الحضانة تبدأ ما تبالغش في الخيال اللي بيتقدم له مع عدم قطعه وممكن نلاحظ في الفترة دي إن الطفل بيبدأ يحكي حكايات من خياله ممزوجة من الواقع شوية وطبعا على إنها فعلا حصلت وماما بتنزعج جدا وتقوله إنت بتكدب(أرجوكم بلاش نواجه الطفل بكدبه لأنه مش عارف ان دا كذب هو بيمارس فعل التخيل في الوقت ده وممكن نستفيد من ده في إننا نكتب حكاياته ونحكيهاله بعد كده ونقوله انه هو اللي نألفها وبكده بنمي فيه العمل الأدبي) وساعات تخاف وتقول إنه تعبان وساعات حاجات كتير الأمهات بيخترعوها من خوفهم على عيالهم

حاجة مهمة لازم أصارحكم بيها بلاش أرجوكم القصص التاريخية والتواريخ المملة اللي إحنا شخصيا بنمل منها.. الطفل في الفترة دي مش مدرك أساسا معني الزمن ومش عارف بكرة ولا امبارح ولا سنة كام.. هو مش لامس ده
وحاجةأهم.. الطفل بيزيد محصوله اللغوي في الفترة دي بسرعه عجيبة يعني ناخد بالنا إننا أي كلام بيتقال قدامه بيتنحت في ذاكرته وبيكرره ومش قضيته هو كلام كويس ولا كلام بذيء
يعني نتخير الكلام المناسب اللي هنقوله قدام أطفالنا
ونتقابل بعد الفسحة

سلام لكل العايل وأهالي العايل

هناك 46 تعليقًا:

MIND TO THINK يقول...
أزال المؤلف هذا التعليق.
غير معرف يقول...

العزيزه جهاد
رائعه المدونه...تعتبر بالنسبة لنا اكتشاف...تجعل الطفل فى كل منا يستيقظ ...حلو كمان الطفل حامل العلم...نسينا نقول اننا سعداء جدا بزيارتك لمدونة برنامجنا ونتمنى ان تواصلى الزياره والتعليق على ما نطرحه من موضوعات والتعليقات تذاع فى حلقات البرنامج ونعلن مساء التلاثاء عن موعد أذاعة كل تعليق والبرنامج يذاع يوميا التاسعه وعشر دقائق صباحا من أذاعة البرنامج العام وبموقعنا رابط الى اليسار تحت الساعه اضغطى عليه قبل موعد الأذاعه بقليل وانتظرى ستسمعينا
واخيرا هل لديك مانع لو قدمنا المدونه فى حلقه من برنامجنا
الموقع
http://dear.to/cairo
المدونه طبعا
http://netonradio.blogspot.com

حاجــ عيال ــات يقول...

أهلا بالإذاعة كلها على صفحات مدونتى
مرسي على رأيكم في المدونة ومرسي كمان على الزيارة الكريمة دي
بالنسبة لتقديم المدونة في حلقة دا شرف ليا ان المدونة تتقدم في البرنامج الاذاعي

نورتوني

غروب يقول...

بت يا جوجو انا جايزه احجز مكان لانى اتاخرت في البوست اللى فات معلش بقه انتى عارفه السبب

المهم هقرا وراجعه

موناليزا يقول...

جمييلة جدا كل هذه الكلمات
جعلها الله فى ميزان حسناتك ونفع بكى كل المسلمين

مفكر يقول...

السلام عليكم::

المدونة روعة وغاية في التناسق واللمسات الفنية فيها باينة..

أنا على فكرة بحب الأطفال برضه وبحكلهم حواديت..أي نعم هي هبلة بس هم اللي بيعدوا يسألو اسئلة تجيب للواحد أفكار يكمل بيها الحدوتة..يعني هم اللي بيألفوها بطريق غير مباشر..

كلامك سليم ومهم جداً..ومدونتك لذيذة خالص..وأنا بإذن الله أتابعك على طول..

اتمنى أبقى أشوفك في مدونتى باستمرار..

Ahmed Mohamed يقول...

زمان كانت ولدتي تحكيلي قصص الانبياء كنت ببقي مبسوط جدا زي قصة سيدنا ابراهيم وقصة سيدنا يوسف وموسي والقصص دي خلتني اعرف حجات كتيره قبل غيري الي يقولك مين سيدنا ابراهيم ده فاقوم انا احكيله القصه زي ما والدتي قالتهالي ايام زمان بقي
دلوقتي اولاد اخويه يجو عندي واحيكلهم قصص عمر ما حد سمع عنها واقعد أالفلعم اسد
لدرجة اني بقولهم ان معايا رقم موبيل الاسد صاحبي ....حد يحب يكلمه ههههههه

رئيس التحرير يقول...

: حاجــ عيال ـــات :رجاله..
السلام عليكم ورحمه الله وبركاته
يعني علي بال ما اجيب الغدا الاقيكم مشيتو ..الكلام ده ماينفعش ..هييه وانا كمان والله ما انا واكل..

mohamed ghalia يقول...

بجد إنتى عندك إمكانيات رائعة فى التعامل مع الأطفال وكلامك رائع .
لو نفذنا كلامك ممكن نعمل برنامج كامل فى التربية
تحياتى
دمتى بكل الود

Mahdi Mahdi يقول...

الاخت. حاجات عيال
السلام عليكم ورحمة الله وبركاته
شكرا لك وهدفى ، لا الدفاع عن الاسلام ، فالدين لا يحتاج لمدافع ، والدين الاسلامى ارفع من طرحه فى المدونات ، وشكرا للدعاء والامنية

اقصوصه يقول...

جميله جدا تدوينتك

ولا اجمل من ذكريات الطفوله

وعالم الطفال المتخم بالبراءه

تقبلي مروري من هنا

Beram ElMasry يقول...

ابنتى . حاجات عيال
سلمت من كل مكروه ، دحنا نفرش المدونة ورد ، ونعلق الزينات طول العمر ، على الله انت متهربيش ، زرت مدونتك انها مفرحة وموضوعها جميل لم اقراءه بعناية كافية ولك زيارة خاصة ان شاء الله
لك تحياتى

احمد الجيزاوى يقول...

ارئع فعلا تحيل فكر الامهات وربته بقرائه
تحياتى
احمد الجيزاوى

هويدا صالح / عشق البنات يقول...

أقولك على سر ؟
بس مش تضحكي
كل يوم بدخل مدونتك علشان أسمع الأغاني وأنزل الصفحة لتحت وأشتغل
وقريت طبعا كل البوستات بتاعتك
بس بجد حلو قوي .. حقيقي فكرة هايلة يا جهاد ...
يلا ما هو شغل عيال والعيال ساعات بيكونوا أعقل من الكبار ...

حاجــ عيال ــات يقول...

غروب صبحتي..
ازيك ومكانك محجوز في قلبي من غير حاجة ياقمر
...........

موناليزا الجميلة زي اسمها
ربنا يتقبل منك الدعاء يارب
وارزقنا الاخلاص في القول والعمل
نورتيني ياموني

.............

الأستاذ المفكر اسمك يدعو للتأمل
ورأيك يهمني وبيضيف لي كتير ومرسي على الكلام الجميل
ومرسي على زيارتك ليا
وان شاء الله مدونتك ليها نصيب عندي
..........

الأستاذ احمد علم
زيارتك الجميلة أسعدتني
وعلى فكرة أنا كمان ماما كانت بتحكيلي حواديت وقصص دينية لكن بابا كان اكتر ولما كبرت شوية بطلوا يعملوا كده ودي حاجة ماحسيتش بيها غير لما كبرت
أتمنى إنك تستفيد وتفيدني كمان
.........
العمدة وصاحب العزبة كمان
ليه بس مش واكل حقك عليا وآدي إيدي هبوسها ..بس ماتزعلش اقعد ياراجل دي اللمة حلوة والأكل يفتح النفس
نورتني بجد
.........

الأستاذ مهدي مهدي
ربنا ييسرلك دعوتك يارب وتقبل اعمالك
زيارتك شرفتني
...........

أقصوصة
كلنا كان أطفال لكن مش كلنا حبينا طفولتنا
أتمنى إني اقدر اساعد الاطفال انها تحب طفولتها
ياريت ادعيلي بس وليك الحلاوة ياقمر
.............

الأستاذ الشاعر بيرم المصري
الورد انا أجمعه لحضرتك يافندم
وكفاية نورك عليا
وفي انتظار زيارة خاصة
.............

أحمد الجيزاوي
مرسي يا أحمد على زيارتك وعلى رأيك
نورتني
..........

هويدا صالح
اولا نورتيني بجد
ثانيا أقولك انا كمان على سر
ساعات كتير بعمل كده برده
بس ماتقوليش لحد
ششششششششششششش
وبجد مرسي على رايك وعلى وجودك معايا

.............
تحياتي للجميع ونورتوني بجد
جهاد مشالي

ahmed_k يقول...

السلام عليكم
أنا فرحان جدا بمدونتك الرائعه دي
لما فيها من أهميه وتعليم مجاني لكل أم وأب لديهم أطفال في هذه المراحل السنيه
وفعلا كنت أتمنى أقرأ مثل مقالك اليوم لطبقه مع اخوتي الصغار وهم في مثل تلك المراحل العمريه ولكن قدر الله وما شاء فعل
أحييكي على مقالك المهم هذا
والحكايات بالفعل منميه بشكل جميل لإدراك وفكر الطفال وأنا مازلت أذكر بعض القصص التي كانت تحكى لي وأنا طفل وكنت بالفعل اعيش معها بكل كياني لدرجة مرافقتها لي في منامي

بارك الله فيكي على مجهودك المفيد والراقي
وأعتبريني بإذن الله زائرا حريصا لمدونتك


خالص تحياتي

د/ رامي شهاب الدين يقول...

مفيش شك إن القراءة للطفل شئ مهم جدا فى سنوات عمره الأولى تحديدا لأن دى فترة تكوين شخصية الطفل ومستوى ذكائة وإستيعابه ما إلى ذلك

أعتقد إن الأسر بدأت تغفل الموضوع ده فعلا

مدونة جميلة ذات طابع خاص، وموضوعات أكثر من رائعة

دمتى بكل الخير .. تحياتى

moory-mero يقول...

السلام عليكم و رحمة الله و بركاته
أنا مبسوطة بالمدونة دي اوي وبرتاح فيها بجد بتفكرني بطفولتي وباللي مامتي كانت بتعمله معايا
بحس كتير انك طفلة جميلة وبحس اكتر انك فيلسوفه مبدعه ومخك ما شاء الله بيفكر صح وبيعقل كل حاجه
اسلوبك وتفكيرك بيعجبوني كتير وبحترم الشخصيات دي جدا
انا موافقاكي في افكارك دي وبحس ان الملايكة دول لهم اسلوب خاص في كل حاجه ودنيا تانيه ولازم ننزل لدنيتهم ونتعامل معاهم من نفس تفكيرهم وربنا يقدرنا يارب ونكون امهات صالحات ويرزقنا بالذرية الصالحه

متابعاكي يا قمر وربنا يوفقك يارب

في رعاية الله

من غير عنـــوان يقول...

مدونة متميزة وفريده

أمنياتي

فشكووول يقول...

حاجه جميله قوى .. تعرفى ان احنا كلنا ما بنعرفش نقول القصص الكويسه للاطفال وايه اللى يلائمهم .. انتى سنك صغير لكن ادراكك كبير .. تحياتى

فشكووول يقول...

يا جهاد .. يا ابنتى الحبيبه .. اشكرك على كلامك الحلو .. بس انت بتدينى اكتر من حقى .. والله العظيم انت بنت جميله وزى السكر .. ربنا يخليك ويوفقك .. عمو صلاح

فشكووول يقول...

على فكره .. فكرينى انت اعمل معاك بوست قادم ان شاء الله .. بس اما الاقى فكرته حاجى لك واقولك عليه .. تحياتى

mr_raafat يقول...

العزيزة جهاد

لقد أصبت كبد الحقيقة في أننا نزرع في أولادنا ما نحب أن نراهم فيه " فالتعليم في الصغر كا النقش علي الحجر
وحكايات زمان مش بس كانت للتسلية بل للتعليم والتربية وقبل كل ذلك للألفة والارتباط ، بارك الله فيك فكرتيني بأيام زمان عندما كنا نجلس إلي الجدة ونستمتع بالحواديت .
أما اليوم فالكل مشغول بحجة أكل العيش مع أن الناس ما بتموتش من الجوع لكن بتموت من الجهل .
- أما اختيار الحكايات في رأي أن طفل اليوم يستوعب ما يستوعبه الكبير ولكن عليك اختيار الأسلوب المناسب في العرض .
- علينا أن نعلم أولادنا الأشياء الكبيرة ليكونوا عظماء وأحسن القصص " قصص الأنبياء - والقصص التاريخية " ليتعودوا علي الجد منذ الصغر .
- وأتفق معك في الرأي في أنه لابد من الإجابة علي كل الأسئلة لأولادنا حتي لا يسألوا غيرنا فيجيبوا بغير أفكارنا

............
- تقبل مروري وأسف علي الإطالة لكنني أعجبت بالموضوع والأسلوب الرائع

فشكووول يقول...

حاجات عيال العزيزه
مبروك ثانى تعليق وطبعا احنا اتفقنا ان حنعمل عمل مع بعض بس فكرته لسه ما جاتش وان شاء الله اما تيجى نعمل على طول

غير معرف يقول...

كل سنة والاطفال بخير
بمناسبة عيد الطفولة
الذى مر دون ان نشعر به
واتمنى من كل الزوار الاباء والامهات
ان يسئلوا ابنائهم
عن رؤيتهم للمستقبل او ماذا يتمنون فى المستقبل
وسوف تتفاجئون بردود عجيبة
اما بالنسبة لمووضع بابا احكيلى حدوتة
انا اموت فى الحواديت
وكل يوم تقريبا حدودة لاختى الصغيرة
ويومى ابيض لو مقلتش حدودتة جديدة
ولازم تكون رعب
اه والله نفسى اعرف ليه الاطفال بتحب الرعب
وكمان مكونين مجموعة من الاصدقاء الخيالين هم ابطال قصصنا
كل سنة مرة تانية والاطفال بخير
خالص تحياتى
محمد صلاح موافى
فنان مسرحى

Mahdi Mahdi يقول...

يلزمنى رايك فكن ناصحا ولا ملامة، فهدفى افهام المرضى والموتورين ممن يتطاول او يخادع بدس السم فى العسل تحت دعوى الدفاع عن الاسلام ، ان العين بالعين والسن بالسن والبادى اظلم

شفـقــة و إحســــان يقول...

المدونة بتاعتك حلوة اوى وفكرتها جديدة ومتخصصة
اتمنى منك المزيد من المعلومات
البوست حلو جدا

almasry يقول...

فعلا انتى مكانك مش مدونه على بلوجر انتى مكانك قناه تلفزيونيه مش ليها حل وطبعا هتشغلينى فيها بدل ما هتخرج ولسه هدور على قهوه



على فكره بجد معلوماتك قيمه



تحيـــــاتى

المصــــــــــــــــــــــــــــــــرى

حاجــ عيال ــات يقول...

الأستاذ أحمد ::
انا اللي فرحانة جدا بزيارتك ليا
وعلى فكرة المدونة مش مجانية ولا حاجة العائد فعلا بييجي بس مش شرط فلوس كفاية المتعة اللي بتحصلي لما بحس إني بقدم معلومة وحد بيستفيد منها
وكمان لما أشعر إني أخدت أجر من ربنا
وكمان فرحتي إنك فرحان
كل ده كفاية عليا

ونورتني وأسعدتني
..............

د/شهاب الدين
مفيش شك زيارتك أدخلت السرور لقلبي
وكمان كلامك دعمني كتير
وياريت أتشرف دايما برأيك
ومرسي جدا على وجودك
............
ميرو الجميلة العسولة
أنا سعيدة جدا إنك بترتاحي في مدونتي
وسعيدة كمان إنك بتستفيدي
ويارب دايما تكوني هنا معايا
تسلميلي ياجميلة
.............

من غير عنوان
أنا متأكده إنك ليك عنوان وأفكار جميلة
وهعرفها إن شاء الله لما أزورك
ومرسي على رأيك
...........

فشكوووووووووول
هييييه عمو صلاح جه
نورتني ياعمو والله
وعمل نعمله مع بعض ده هيكون أجمل وألطف وأخف عمل إن شاء الله وهتكون فيه خبرة مخضرمة بين جيلي وجيل حضرتك
ودي حاجة تسبب لي متعة كبيرة
ياريت بس إديني إشارة وانا تحت أمرك
سلام مؤقت
.............

مستر رأفت
رأيك أسعدني وأضاف لي وكمان وجودك في حد ذاته غاية يافندم
وبلاش تتأسف ياريت الإطالة للإفادة
ويرب دايما أسلوبي يعجبك
........
أ/محمد صلاح
متشكرة على رأيك
وعيد الطفولة حدث مهم
واتمنى ألا أغفله
بس في حاجة ..أخطر حاجة إننا نقدم للطفل مادة مرعبه تسبب له توتر أو نوع من الخوف من المجتمع خصوصا في سن ماقبل المدرسة
الطفل بطبيعته بيحب العالم الغريب وبيجذبه ودا بحكم سعه خياله
وشكرا على استثارتك لموضوع مهم
.............
مهدي مهدي

متشكرة على زيارتك مهما كان رأيك
............
شفقة هانم وأحسان بيك
إنتم فين من زمان
وحشتوني جدا
ورأيكم مهم جدا
..........
المصري
هو ده المصري ياجماعه بيشجع منتج بلده
مرسي بجد يافندم على رأيك
ويارب أقدر أوصل المعلومة اللي عندي لأكبر عدد ممكن بس يارب ارزقني الاخلاص
............
نورتوني حقيقي
جهاد مشالي

Unknown يقول...

لا فعلا المدونة دي اكتشاف
هايل حقيقي
اتبسط جدا وانا بقرا الكلام ده
يلا مش هعلق كتير عشان اروح اقرا الباقي

الوردة البيضا يقول...

السلام عليكم
أول زيارة لي لهذه المدونة، وإن شاء الله ليست الأخيرة. أحييك يا جهاد على اختيار فكرةالمدونة وتنفيذها بكل هذه الأناقة والمهارة.
أما عن موضوع البوست، فصدقيني لا يزال هناك من يهتم بحكي القصص والحواديت للأطفال، وانا منهم رغم أنه ليس لدي أطفال حتى الآن، لكني أمارس أمومتي قدر الإمكان مع أولاد أخي الأعزاء، ولطالما قصصت عليهم الحكايات أو نجلس معا لنغني بشكل جماعي. وأنا أتفق معك أن هذه الحكايات البسيطة تنشط ذهن الطفل وترسخ في ذهنه بالقيمة الكامنة خلفها مثل النشاط أوالصدق أو الاجتهاد في العمل وخلافه.

تحياتي لك وأرجو أن تجدي الوقت أيضا لزيارتي
أنتظرك

غير معرف يقول...

العزيزة

جهاد محمد محمد مشالى

مرحبا بك وسعداء بطلبك الانضمام الينا

فى انتظار رايكم واقتراحاتكم لتطوير العمل فى اى لجنة من اللجان ترغبين الانضمام اليها

برجاء التواصل مع موضوعاتنا المطروحه فى مدوناتنا وشكرا لك

غير معرف يقول...

بالمناسبة

يمكنك الدخول برابط مدونتك تحت مسمى اسم اخر ..وفيه تكتبى رابط مدونتك والاسم الذى سوف يظهر على العليق لكى يتمكن باقى الاعضاء من التواصل مع مدونتك
اخوكم
حسن محمد توفيق
من مؤسسى الاتحاد

أحمد سلامــة يقول...

:)
هي حاجة مهمة جدا طبعا
وليها تاثير مش صغير على عقلية الطفل
على الاقل بتحببه في القراءة عند سن معين
بس الموضوع فعلا مات
كان ياما كان بقت كلمة نادرة قوي

mahasen saber يقول...

انا قلت المدونه دى هتفيدنى وبتفيدنى مع ابنى يعنى هيا فعلا بتفيدنى

الله ينور عليكى

وفعلا ابنى بيشوف الصور والالوان ويشبط فى الحدوته او اى شئ عليه صور حيوانات ملونه

رئيس التحرير يقول...

أيه يا جهاد الي مخلبطك؟
صاحب العزبه و رئيس التحرير؟
ماهي دي الحكايه ؟
انا بحكيلك يابنتي فيها
وعلي فكره دا طلبك انت...
قريتي البوست ولا لسه؟ طمنيني

حاجــ عيال ــات يقول...

السلام عليكم
اللماضة كلها عندنا ياعيال
ادبحوا العيانين وحضروا التعبانين
الدكتورة لماضة وصلت
مرسي يالماضة هانم على رايك المهم وياريت تتلامضي عندنا كتير
..........
الوردة البيضاء
زيارتك العطرة واسمك الجميل
أسعدوني
ومدونتك الحمرا كمان بتدفيني
بس قوليلي
ازاي وردة بيضا ومدونة حمرا
واسم المدونة روز
دي بقيت بوكيه جميل ياجميلة
...............
سلام مؤقت

حاجــ عيال ــات يقول...

اتحاد المدونين
أشكر زيرتكم الجميلة أشكر دعوتكم للإنضمام إليكم
وأرجو ان أكون بناءة بينكم وعضو متميز بفعلٍ جدا
..............
الشاعر أحمد سلامة
مرسي على رأيك
ومرسي على زيارتك
نورتني
...........
أم البنوتة الجميلة
ياريت تراعي البنت العسولة دي عشان خاطري
أنا بحس بيهم أوي وبحس إن لما بيضايقهم حد كانه بيضايقني أنا
ومرسي للبنت القمر دي للي بتخليك تيجي عندنا
..........
العمدة صاحب العزبة
أصحاب الأطيان لما بييجوا عندنا لازم ندبح الدبايح يارجالة عشان يغرقونا بخيرهم بعد كده
لكن صاحب العزبة اعتقد إنه مش عنده أطيان بس عنده عنوان لما تزوره هيغرقكم متعه والله
منور عندنا ياعمدة وسلم لي على الباشا
..............
تحياتي للجميع
جهاد مشالي

Ahmed يقول...

معاالك حق
http://ahmedaboelella.blogspot.com/2008/11/blog-post_23.html

عايش علي الهامش يقول...

متاخر كالعاده اسف من جديد

موضوع رائع وفكر تربوي جيد جدا ولكن اعتب عليك تلك العبارات القاسيه تجاه امهات هذا اليوم انهن اكثر حملا لعبء الزمن من امهات زمان الام زمان كان همها الوحيد البيت الام دلوقتي فعلا تعبانه اولا وشغل ودخل وتوفير ربما غلطانه اي نعم لكن فعلا مرهقه وتعبانه جدا

فعلا الحدوته لها توجيه فكري جيد للطفل في سن صعب التوجيه فيه وكم قرانا عن ولد قتل جاره الصغير تنفيذا لفيلم او لقصه طبعا مش هنا ده كان في امريكا
وعلي فكره مع الوقت احنا كمان بنحتاج لحكايات بس بتكون في القصص الديني وزكريات الاهل

شكرا لك

مهرة سالم يقول...

السلام عليكم ...
أختي جهاد....
مدونتك مميزه بحق...
.......
جدا مريحه ....
وتبعث على السعاده أيضا ...
.......
أحببت الصور جدا جدا...
....
دمتي في إبداع دائم..
......
في أمان الله...

Unknown يقول...


شركة تنظيف منازل بالاحساء
شركة تنظيف بالاحساء
شركة تنظيف مجالس بالاحساء
شركة تنظيف فلل بالاحساء
شركة تنظيف شقق بالاحساء
شركة تنظيف خزانات بالاحساء
شركة تنظيف مسابح بالاحساء
شركة نقل عفش بالاحساء
شركة كشف تسربات المياه بالاحساء
شركة تسليك مجاري بالاحساء
شركة شفط بيارات بالاحساء

خدمات متميزة يقول...

شركة تنظيف منازل بالقطيف
شركة مكافحة النمل الابيض بالقطيف
شركة تسليك مجاري بالقطيف
شركة كشف تسربات المياه بالقطيف
شركة تنظيف خزانات بالقطيف

خدمات متميزة يقول...

شركة تنظيف بالاحساء
شركة تنظيف مجالس بالاحساء
شركة مكافحة النمل الابيض بالاحساء
شركة مكافحة النمل الابيض بالجبيل
شركة كشف تسربات المياه بالجبيل

خدمات متميزة يقول...

شركة تنظيف فلل بالدمام
شركة تنظيف بالدمام
شركة مكافحة حشرات بالدمام
شركة كشف تسربات المياه بالدمام
شركة تسليك مجاري بالدمام

انجين محمد يقول...

شركة تنظيف بالبخار بجدة
تعتبر تقنية البخار من أحدث التقنيات المتاحة في الوقت الحالي، حيث يسعى جميع الأفراد على البحث عن أحدث التقنيات الخاصة بمجال التنظيف، تتميز تقنية البخار بأنها من أهم الوسائل الموجودة في مجال التنظيف، حيث تعمل على تنظيف جميع الاغراض والمفروشات المنزلية بسهولة كبيرة، مع ضمان توفير النظافة الكاملة، وكذلك بقاء الألوان كما هي.
كل ذلك يتم عن طريق فريق عمل الشركة المكون من عدد من العمالة المتميزين والذين تم تدريبهم على كيفية التعامل مع هذه الآلات الحديثة، كما تقدم الشركة ضمان لمدة عام نضمن للعميل شراء أي من الأغراض الخاصة بك في حالة حدوث أي خطأ يصدر من أحد عاملي الشركة.