الأحد، 15 مارس 2009

خلـــوني مُبــدِع






السلام عليكم



حبايبي الزوار ..الصغيرين والكبار ...

في يوم نفسك كنت تبقى حاجة وما قدرتش تعملها ..أو في يوم كنت نفسك تقول حاجة ومعرفتش أو مالقيتش الفرصة إنك تقولها ..وزي كل ماما وكل بابا لما بيعجز عن تحقيق حلم ..بيتمنى يحقق أحلامه في عياله..
لكن هل عندنا فكرة إزاي نعرف أحلام عيالنا ..نفسهم يبقوا إيه ..عندهم موهبة إيه ..عندهم نقص في إيه ومحتاجين مساعده عشان نقوم النقص ده..؟
يا كل بابا ويا كل ماما ..ادخلوا على عيالكم وشوفوا أكتر لعبة بيحبوا يلعبوها ايه والعبوا معاهم ..بيحبوا الفك والتركيب ..جميل نوفر لهم لعب عشان يكتشفوها ويفكوها ومش مهم يبوظوها ..بيحبوا العك والتلوين يالا نشتريلهم ألوان كتير ..ونلخبط معاهم ونشوف ...ورقة وقلم ونكتب ونخشخبط بالألوان ..




في حاجات أساسية يا ماما ويا بابا لازم نعرفها ..لما نحب نكتشف موهبة أو ملكة موجودة عند عيل من عيالنا
خلونا نقولْهم بترتيب..


أولا :الحـــرية

الحرية للطفل في مرحلة لعبه دي حاجة مهمة جدا هتخليه يطلع كل إماكاناته في اللعب ده وخاصة لو كانت تتفق اللعبة مع الملكة اللي ربنا وهبها ليه
ودا دور ماما وبابا ..لازم نشاركهم في اللعب أو على الأقل نسيبهم يلعبوا من غير ما نصدر أي عقوبات على تصرفات هيا أصلا من قبيل الفطرة لإكتشاف العالم اللي هو عايش فيه أو اللي نفسه يفهمه عشان يقدر يعيش فيه

ثانيا : الإحتــرام

الطفل لازم يحس بتقدير ذاته من بابا وماما بالأخص ..ولازم كمان أثناء ممارسة الحب بين الوالدين والطفل يصدر من بابا أو ماما بعض الكلمات زي ..أنا بحبك أوي ياأحمد ..لما يصحى من النوم ..حبيبي الجميل صحي وحشتني ..الطفل مش بيشعر بالحب غير لما بيسمع الكلام ده ..لأنه مش مطالب انه يحس بحب وحنان وتقدير بابا وماما ليه من غير كلام..وفي دراسة اتعملت بتقول ان الأطفال اللي كانوا بيسمعوا كلمات الحب من الوالدين كانوا أكثر إبداع وابتكار من ذويهم الذين لم ينعموا بأي نوع من التقدير والحب
وكمان لازم تحترم ماما رأي مازن في اختياره لملابسه مثلا أو لعبه أو ألوانه ..وتحاول تقنعه برأيها لو عاوزة أو تستميله بحاجة تانية بحب ويبان إنها رغبته مش فرض عليه.

ثالثا: الإقلال من القواعد والاهتمام بالقيم


والنقطة دي بتتفق مع ترك الحرية للطفل في الاكتشاف والتجريب..يبقى لازم ما نرهقوش كمان في القواعد والالتزامات اللي المفروض عليه يعملها ..يعني دايما ماما توجه تعليماتها لمَيْ ..هدومك تكون نضيفة ..لعبك ما تتكسرش..رتبي اللعب ..ما توسخيش نفسك بالألوان ..
مي بالشكل ده هتكره اللعب أو أي سلوك عشان تتجنب أوامر ماما
وفي دراسة اتعملت لأسر الأطفال المتميزين وجدوا أن متوسط القواعد التي وضعتها الأسرة للطفل كان أقل من قاعدة واحدة ..زي عدد ساعات المذاكرة أو الواجب المنزلي ..أو وقت النوم
بينما كان متوسط عدد القواعد التي وضعتها أسر الأطفال غير المتميزين في الابتكار هو 6 قواعد
لكن ده ما ينفيش إن البديل عن القواعد الصارمة اللي بتسبب نوع من الكبت والتسلط ..زرع الأسر مجموعه قيم تبين وتوضح للطفل معني الصواب والإثابة ..والخطأ والعقوبة..زي مثلا النظافة من الايمان ..ربنا بيحب الولد الجميل ..بابا بيحب أحمد أكر لما بيكون نضيف.

أخيرا :تأكيد الأسرة على إنجاز وتقدير الابتكار

مش بس هنسيب الطفل يلعب ويبتكر بحريته ..لكن كمان هنشجعه وهنعرفه ان الحاجة اللي هو عملها هايلة وجديدة ..ومفيش حد بيعرف يعمل زيها بسهولة وأنه هو فعلا ممتاز ويستحق التقدير ..متهيأ لي دا أكبر دافع للطفل إنه ينجز ..ويستمر ويتطور مفهوم الابتكار عنده



وياريت لو نهدي عيالنا حب الابتكار ..نهديله لعبة ذكية ..نهديله الوان وورق ..صلصال يشكل ..بازل...
حاجات كتير هتخلي من عيالنا مبدعين ومبتكرين ..بس سيبوهم يبدعوا

تحياتي
جهاد مشالي

هناك 59 تعليقًا:

مفكر يقول...

السلام عليكم::

كلامك سليم ومفيد جداً

بس كان عندي سؤال

هو حضرتك مثلاً واخدة موضوع الأطفال كنوع من اهتماماتك ولا حضرتك درستي امممممم حاجات في علم الإجتماع وكدة

طبعاً الواحد بيراكم خبرات ولما ربنا يكمرني بيعيال هبقى أفتكر كلامك كويس

mohamed ghalia يقول...

ياريت نعلم أولادنا الإبتكار
هيتغيروا كتير

عاشقه الرومانسيه يقول...

واللهانا نفسى ان مدونتك دى تكون معايا لحد ما لاتجوز واخلف وعيالى يكبروا
علشان اتعلم
ههههههههههههههه
بجد انتى عسوله وكلامك كله فى الجون ياقمر
ربنا يزيدك

أمل حمدي يقول...

حبيبتي جهاد

موضوع رائع ومميز كعادتك

احييكي عليه

ويارب يصلح حال اولادنا ويلاقوا الرعاية السليمة والتوجيه الصحيح

دمت بكل الخير

غروب يقول...

طبعا المفروض انا اول تعليق

بس كويس برضه

نياهاهاهاها

جيت قبل عمو فشكول

هههههههههههههههههه

هقرا بقه بعد اما اجى

Eslam Eldosoky يقول...
أزال المؤلف هذا التعليق.
Eslam Eldosoky يقول...

السلام عليكم ورحمه الله وبركاته
الاستاذه جهاد مشالي
جاية في وقتك والله
وسبقتيني بالاجابه قبل سؤالي في التوبيك بتاعك الجميل ده
بس أنا كان ليا أستفسار بسيط
مرحله تنميه الموهبه
مش عارف اتعامل معاها أزاي
يعني أنا أتاكدت من موهبه الطفل في الرسم
وعايز اخليه ينمي الموهبه دي جواه
لاني بحس أن في الوقت اللي أنا بضغط عليه علشان ينمي موهبته دي
هو بيعاند
أو مش بيحب التوجيه اللي جاي في شكل أوامر
وأنا عاجز عن أبتكار أي وسيله توجيه أخري

تقبلي تحياتي
ومعلش تقلت عليكي
بس ده من العشم
:)

Unknown يقول...
أزال المؤلف هذا التعليق.
Unknown يقول...

أستاذه...جهاد
كنت اول من لبي دعوتي ...لك كل التقدير والأحترام...وبقول لي عظيم الشرف ان انضم لقائمه أصدقائكم.
المشروع بأختصار شديد..
سوف نعرفه من خلالك أنت وكل الأصدقاء الموجودين معانا ...شويه صبر يا معلمتنا الفاضله.

نفرتارى يقول...

جميلتى جى جى ،،

بجد موضوع هايل ملم بكل التفاصيل اللى كتير منا ليس على علم بها .
نشكرك ودمتى بكل حب ،،


نفرتارى

Unknown يقول...

بسم الله الرحمن الرحيم
الأستاذه/جهاد
السلام عليكم ورحمه الله وبركاته
ربنا يكرمك يارب ...
لي طلب صغير ...
ممكن تبطلي تغيبي عنا ..
بنحتاس مع العيال!!!
والله ...العيال هي اللي بتربينا...

Unknown يقول...

أحييك على التحليل الرائع ده
وأنتي حليتي مشكلة أي مبدع وهي
(((((((( الحرية ))))))))

أد أيه الحرية مهما من غير حرية بيتقيد الإبداع
لما الإسلام جيه نشر الحرية فحضر الإبداع وبقينا بجد خير الأمم ودلوقتى بقى لا في حرية ولا حتى إبداع ... مينفعش أصلها معادلة
وإلى الأمام
ويبقى التواصل

جنّي يقول...

السلام عليكم

ازيك يا جهاد .. انتي فين يا جهاااااد

موضوع ممتاز .. اولادنا هم الاستثمار الأقوى في حياتنا يجب ان نجعلهم مبدعين ..

بلادنا محتاجة الكثير جدا من المبدعين على ان لا يتجاوزا قيمنا واخلاقياتنا كما ذكرتي ( ..زرع الأسر مجموعه قيم تبين وتوضح للطفل معني الصواب والإثابة ..والخطأ والعقوبة..زي مثلا النظافة من الايمان ..ربنا بيحب الولد الجميل ..بابا بيحب أحمد أكر لما بيكون نضيف. )

تحيتي

صدى الصمت - عاشقة الورد - يقول...

أحييكِ بشدة على كمية المعلومات القيمة فى هذا البوست
أكيد هأحاول أنفذها مع بنتى
تحياتى

عاشقة الورد

بس خلاص ... يقول...

كل سنه وانتى طيبه وحستينا جدا بس بجد انتى راجعة بموضوعات قيمة جدا زى عادتك لكى منى كل الود

رئيس التحرير يقول...

بسم الله الرحمن الرحيم
أستاذه/ جهاد
السلام عليكم ورحمه الله وبركاته
مبدعه انت دائما في حضورك...
لا حرمنا الله من ابداعك.

ايمان روحي يقول...

وبجد حضرتك ابدعتي
وشكر اكتيـــــــر علي النصايح الحلوة هاي
ومأجورة انشاءالله
تحياتي

حاجــ عيال ــات يقول...

السلام عليكم
مفكر:
انا رديت على سؤالك في مدونتك الجميلة لكن من حقك أجاوب تاني
أنا بعد شهرين بإذن الله هيكون معايا بكالوريوس علوم وتربية رياض الأطفال جامعه المنصورة

ومرسي على رأيك اللي بيدعمني
ومرسي على زيارتك

حاجــ عيال ــات يقول...

السلام عليكم
الأستاذ /محمد غالية
متشكرة على رأيك وتواجدك الجميل والكريم معايا
وربنا ييخليك لينا دايما سبب من أسباب السعادة

تحياتي

حاجــ عيال ــات يقول...

السلام عليكم

عاشقة الرومانسية

ربنا يرزقك يارب بأجمل أطفال ..وتربيههم على ألإض نهج ودايما منوراني ياقمر والله

حاجــ عيال ــات يقول...

السلام عليكم
ماما امولة حبيبتي وحبيبة كل المدونين
ربنا مايحرمني من دعاكِ وتشجيعك ليا
ويارب اصلح احوال المسلمين..وشباب وأطفال المسلمين

حاجــ عيال ــات يقول...

السلام عليكم
غروب صحبتي ...عمو فشكووول ياسيتي مش معبرني خالص مش انت قريتي فيها ..مش عارفة ماجاش لغاية دلوقتي ليه
ربنا يطمنا عليه يارب
وانت يالا اقري البوست بقى

حاجــ عيال ــات يقول...

عليكم السلام ورحمة الله وبركاته

حقودي ..أزيك يارب تكون بخير
الحمد لله اني جيت في وقتي
بالنسةب لموضوع طرق تنمية موهبة طفل ..أ,لا بتتوقف على سن الطفل يعني لو كان في سن حضانة مش هيكون زي طفل ابتدائئي
عموما هقولك اني هعمل بوست مخصوص للموضوع ده فخليه لما ييجي بالتفصيل

لكن مبدئيا خليني أقولك انك مجرد انك تسيب طفلك يرسم وتشجعه بكلمة برافوا أو غنك تجيب ليه الوان هو بيحيها ..دا تشجيع ليه لكن التوجيه مش بييجي في سن الطفولة المبكرة

حاجــ عيال ــات يقول...

السلام عليكم
عصفور مهاجر
اهلا بك على صفحتى ويسعدني ويشرفني أن أكون من أصداقاء الفكر الطيب
وانتظر منكم المزيد بفارغ الصبر

تحياتي وتقديري
جهاد مشالي

حاجــ عيال ــات يقول...

السلام عليكم
نفرتاري الجميلة
حبيبتي ربنا خليكي ومرسي على رأيك الجميل ويارب أكون قدرت أفيدك حتى لو مش عندك أطفال ممكن تتعاملي مع اي اطفال أو تكون فاهمة اكتر هم محتاجين ايه

حاجــ عيال ــات يقول...

السلام عليكم

فركشاوي باشا
سلامتك من الحوسة
ومش هسيبكم تاني ان شاء الله ..بس برده معرفتش رأيك في البوست
عاوزة مناقشات حارة يافندم

حاجــ عيال ــات يقول...

السلام عليكم

الأستاذ التربوي معتز شاهين
أولا أشكر تواجدك
ثانيا الحرية فعلا هي مشكلة كل مبدع ..وبالنسبة للطفل فالحريةو أشياء أخرى

أحييك مرة أخرى

حاجــ عيال ــات يقول...

السلام عليكم
جنى
كلامك انت أجمل ياجميل والله
فعلا أولادنا ..هم إحنا فيما بعد يعني هما الجيل الجميل اللي اتمنينا نعيش زيه
مرسي على وجودك الطيب

حاجــ عيال ــات يقول...

السلام عليكم
صدى الصمت
ربنا يخليكيك بنتك يارب ويبارك لك فيها
ومرسي على وجدوك عندي منوراني ..ويارب أقدر أفيدك دايما

حاجــ عيال ــات يقول...

السلام عليكم
بس خلاص
ربنا يخليكي لياي يارب
الحمد لله اني رجعت ومطةلتش أكتر من كده
يارب دايما اقدر أقدم القيمة

حاجــ عيال ــات يقول...

السلام عليكم
رئيس التحرير أستاذنا
ولا حرمني الله من حضورك
هقول زي ما قلت لفركشاوي
عاوزة مناقشات حارة

حاجــ عيال ــات يقول...

السلام عليكم

الجميلة ايمان روحي
ياحبيبة قلبي منوراني والله
والحمد لله اني قدرت افيدك
وربنا يأجرني وإياكِ

فشكووول يقول...

العزيزه جهاد
تحياتى

يا جهاد انت عايزانا نصرف فلوسنا كلها علىاللعب والحاجات دى ويبوظوها كمان .. ونديهم الحريه
يا جهاد الله يخليك معاكيش ربع جنيه سلف اجيب بيهم كيس شبسى وآكل انا واحمد حفيدى عشان انا بحب الشبسى اكتر من احمد والعب باللعب بتاعته

ما علهش يا جهاد اتأخرت عليكى شويه والله عشان انا عندى نصف الاسبوع بكون مسافر فيه والنص الباقى بحاول ارد على التعليقات وبعدين قولى لغروب ان عمو جه بالغيظ فيكى يا غروب وانا حاروح عند غروب واقول لها واغيظها ان انا جيت لك

تحياتى يا دهاد

غروب يقول...

عمو فشكول

انت اتاخرت

وانا جيت قبلكككك

نياهاهاهاها

هو انا مش بفهم اوى صحيح في العيال والكلام ده

بس متاكده من قدره جهاد

mahasen saber يقول...

جهاد الجميله اولا وحشتينى انتى جدا جدا جدا

وثانيا بئه للمره المليون مدونتك بتفيدنى جدا جدا جدا مع بيرو

فربنا يبارك فيكى وفى مدونتك يا قمر المنصوره بحاله

Beram ElMasry يقول...

السلام عليكم ورحمة الله وبركاته
عزيزتى الغالية ،انت ام اليوم او غدا ، فكل عام وانت بخير فى عيد الام ، وان كنت تتمنين لطفلك ان يحيا امنا فلقنيه ان الاسرائيلى شر كله ، فلا يامنه برهة ، ولا يسالمه مدى الحياة

يهودى يعنى حنش احسن دوا تقطعوا راسه
كلام نقوله لنسلنا نطبعوا فى كتابه وكراسه
لك تحياتى والسلام عليكم ، ولا سلام مع اليهود
بيرم المصرى

Unknown يقول...

فينكم وحشتنا تعليقاتكم العلمية الرصينة مستني رد الزيارة
ويبقى التواصل

فشكووول يقول...

يا جهاد .. انت فين يا جهاد .. سلامه
تحياتى يا جهاد
بس ايه اللى مزعلك
انا ما اقدرش على زعلك ابدا
انت بس قولى ايه اللى مزعلك وانا اضربه لك على طول
تحياتى

شبه إنسانه .....( سهوره ) يقول...

ميرسى جدا على مرورك ودومتى بكل خير
وعلى فكره البوست ده جدا
واضح انك حنينة جدا بلاضافه لثقافتك
ميرسى مرة تانيه
سهوره

فشكووول يقول...

عشان غروب ما تفرحش فيك بقى انا جيت كمان آهه عشان اسلم عليك وبرضه سلمت على غروب من شويه
تحياتى يا دهاد
انت فين يا جهاد

sssssssssssss يقول...

كلامك شوي ؟؟؟؟؟

بس شكلك بتموتي بالصغار
وبتحبيهم كتيييييير
اتمنالك التوفيق وربنا يحقق امالك واحلامك

امين

Muhammad Mammdouh يقول...

افكار ونصائح رائعة

Unknown يقول...

ليه التأخير ده فين البوستات الرائعة
مستني عشان أعلق
ومستني تعليقكم على الدراسة التي قمت بها حول الأطفال والإعلام
مستني مرورك ورأيك العلمي الرصين
ويبقى التواصل

Unknown يقول...

ولله لاكان فى لاحرية ولا احترام فى زماننا
لدرجة ان انا اى حاجة اقدر عليها كنت هدفنها وهقول خلاص هبقى ضحية من ضحايا الفن بجميع انواعه
ولكن بعد ظهور حركة التدوين ، رجعت الفكرة تانى ، وابتديت ان انا اقدر افنن بقى على مزاجى ومسمعش كلمة "الحاجات دى مش بتأكل عيش"

وكتير اوى كان نفسنا نبقى حاجة ، بس الحمد لله بقينا بنخطى اولى خطوات النجاح بس بأدينا ، ليه بقى الناس مش نساعد الاجيال اللى بعدينا اللى ممكن يكون فيهم المبدع والفنان وووو

انا معاكى فى البوست دا لأنه جميل اوى وشدنى ، والمدونة مليئة من البوستات الجميلة جداً لأنها تتمتع بروح الطفولة اوى اللى انا مازلت اعشقها

تحياتى ، مقدرش انى اقطع الزيارة طبعاً
زادك الله ابداعاً

أنفاس الصباح يقول...

حبيبتى الغالية / جهاد

كل سنة وانت طيبة يا قمر

طبعا متأخرة جدا بس انا لسة عارفة لانى من زمان مدخلتش عندك ولا عند ناس كتير

الاسباب كتيرة لكن ابرز سبب الحالة النفسية الى كنت فيها اثناء وبعد احداث غزة الاخيرة

يمكن مش قادرة لسة استعيد نفسى لكن بحاول

انا قرأت كل الى فاتنى
واكتشفت انك مولودة فى نفس اليوم الى شروق اتولدت فيه بس طبعا مش نفس السنة لان شروق مولودة 2002
هى فى سنة ثانية ابتدائى الان وبتحب مدونتك جدا هى وبودى او عبد الرحمن
الى فى ثانية حضانة الان

فيه عندى سؤال بالنسبة لبودى هو بيحب يلعب على الكمبيوتر اكتر من الازم
ولو مفيش يبقى عاوز الكرتون على سبيستون بلا نهاية

يعنى بيحب الحاجة السهلة فى اللعب والى مش فيها ابداع او ابتكار
وكمان بصورة فيها اسراف مزعج

كان زمان بيحب يشخبط على الحيط بردو كتير
يعنى لازم الحيطة من اولها لاخرها تتشخبط
ويحب قوى يشخبطها بعد ما تنضف يعنى الحيطة المتشخبطة ما يشخبطش عليها تانى لازم تنضف خالص الاول

الحمد لله بطل الموضوع ده مع الوقت
واتحول للكمبيوتر خصوصا بعد ما شيلت الرسيفر بسبب اسرافة فى الجلوس امام الكرتون ليل نهار
ايه رأيك فى الموضوع ده واتعامل معاه ازاى علشان يكون عنده هواية مفيدة

معلش طولت بس بعوض الى فات بقة :D
فى انتظار الاجابة ومداومة الزيارة
لانى بفرح قوى لما بشوف تعلقك عندى
استودعك الله

Unknown يقول...

بسم الله الرحمن الرحيم
الأستاذه/ جهاد
السلام عليكم ورحمه الله وبركاته...
بتطلبي مناقشات ساخنه ...طيب لكي10ايام غايبه ...المناقشه تبرد كده ...ونحن في حاجه لردود سريعه و ساخنه لنواجه الحرب مع العيال...
الولد 5سنوات وعايز كتب عن الفضااااء
جبت له كتب عن الفضاااء ..
نقرأ ...وأنا لا أفهم شيئ وطبعا عايزني اشرح له ...
اقوله ايه ؟ أبوك مش فاهم ...
ماشي ...كيف لا اكون(حم.....) في نظر الولد؟...هل من علاج ؟

حاجــ عيال ــات يقول...

السلام عليكم
...
عمو فشكووول
عندك حق ياعمو احنا معانا فلوس ناكل ولا نلعب
بس هقول لحضرتك حاجة انا مش بقول اللعب لازم تكون عليها ماركة معينة ..الطفل بيحب يلعب بأي حاجة قدامه يعني لو في اي حاجة قديمة في البيتمش ليها لازمة ..هتكون ليها لزمة عند الطفل ..العبث ..يعبث بيها ويكتشفها ولما يزهق منها بيدور على غيرها ..أو حتى الطين ..ممكن نعمله طين في البيت يلعب بيه ..وده مفيد جدا على فكرة ..وفي مدارس اوروبية بتخصص فترة لعب بالطين في الروضة ..ممكن نعمل عجينة من الدقيق والسكر للطفل يلعب بردع بيها وده ممكن يكون مطمئن أكثر من الناحية الصحية
العب لا يشترط ماركات ياعمو صلاح
وعموما انا هسحبلك ربع جنيه بالفيسة بتاحتي
سلام مؤقت

حاجــ عيال ــات يقول...

غروووووووووووووب
...غروب النكددية وصلت يارجالة
ربنا يخليكي ليا يا سارة يارب

حاجــ عيال ــات يقول...

محاسن صابر
حبيبة قلبي ازيك معلش اتأخرت عليكي في الرد
وانا سعيدة جدا اني بقدر افيدك
وما تنسيش تبوسيلي عبد الرحمن
وقوليله اني لما اشوفه ههريه بووس

حاجــ عيال ــات يقول...

الاستاذ بيرم المصري
نورتني ..مرسي على الزيارة

.................
الأستاذ معتز شاهين
شكرا لسؤالك عليا
ربنا يوفقك يارب

حاجــ عيال ــات يقول...

سأظل أشبه نفسي بالإنسانة
حبيبتي
انت اللي باين عليك حنينة اوي
وحزينة أوي
مرسي على زيارتك
وربنا يوفقك ياحبيبتي يارب

حاجــ عيال ــات يقول...

انتحاري
مرسي على زيارتك الجيلة أولا
وكلامك الأجمل ثانيا
وربنا يوفقك يارب وأتمنى ان مدونتي تعجبك دايما

حاجــ عيال ــات يقول...

محمد ممدوح
أشكر رأيك وزيارتك الجميلة
اتمنى لك التوفيق

حاجــ عيال ــات يقول...

اصحى يامصري
اسلام أولا سعيدة بزيارتك
ومرسي على كلامك
وفكرة اننا ما أخدناش حريتنا دي هتتكرر من زمان لزمن يعني احنا نعتقد اننا هندي الحرية لأطفالنا وهما لما هيكبروا هيشوفوا ان مش هي دي الحرية الكاملة ..وهيحتاجوا حرية أكبر
عني هيعيشوا نفس احساسنا اللي احنا عيشناه دلوقتي
وعموما رأيك وزيارتك شرفتني
تحياتي

حاجــ عيال ــات يقول...

أنفاس الصبح
حمدالله على سلامتك ياخالتو ..وحشتني والله ومليون سلامة عليك
وزيارتك الجميلة وحشاني من زمان
لكن الحمد لله على سلامتك
..بانسبة للإستفسار ...انتظرني البوست القادم

حاجــ عيال ــات يقول...

فركشاوي ناوي

معلش بقى اني متأخرة عليكم
اليومين دول مشغولة جدا في الكلية
دعواتك
لكن بالنسبة للواد العكروت ده
استنان يالبوست اللي جاي

*** حور- نور*** يقول...

اقولك على حاجه احيانا الاباء والامهات بيتعلموا من اولادهم كتير
عالم الاطفال ده مفيش زيه انا لو خيرونى اعيش اى فترة فى حياتى هختار الطفوله

رفقة عمر يقول...

مدونتك جميله قوى
وعلى فكرة كلامك كله صح
لما ربنا يرزقنى ان شاء الله
لازم اتبع كل هذه التعليمات

Unknown يقول...


thx

شركه تنظيف