السبت، 13 ديسمبر 2008

إتيـــــكيت ..بره البيت ...وجوه البيت





صباح الخير ولا أقول مساء ..
ولا قولكم خلينا نقول السلام عليكم
...
لما نقول ربنا بيقول والرسول قال ..يقولوا بلاش تذمت
لكن لما نقول الاتيكيت ..والتحضر يبقى أهلا ومرحب بالتحضر والاتيكيت
هقول حاجة في الاول بس.. إن معظم قواعد الاتيكيت هي مباديء شرعيه وضعها الدين الاسلامي قبل ما القانون الغربي يعرفها ..أو يدعي وضْعها
ندخل بقى في الموضوع
أي بابا وأي ماما بيكون حريص إن طفله يكون مهذب ..لطيف بيعامل الناس وخصوصا الأكبر منه بمنتهى الأدب
لكن ساعات ماما وبابا الحقيقة بيقعوا في مشاكل لما بييجوا يوجهوا الطفل
يعني مثلا ما يحلاش التوجيه الا قدام الضيوف
يعني مثلا سارة بتلعب بالكورة وعمو صلاح وطنط أمولة عندنا النهاردة
ماما: بنت عيب كده في ضيوف عندنا يقولوا عننا ايه
البنت تنكسف جدا لأنها أحرجتها قدام الضيوف يبقى قدامها حل من اتنين أما هتقعد مؤدبة زي ماما ماقالت لكنها بعد كده هتخاف من الناس وممكن يقلب بانطواء وتخاف من اي سلوك ومن رد فعل ماما ..أو هتعاند وتعمل نفس السلوك وتكرره عشان تثبت لماما وللضيوف شخصيتها







وفي الحاليتن مش مرغوب في رد الفعل ده
ومشكلة تانية بالنسبة للتوجيه
ان ماما وبابا بيتنازلوا عن السلوك الغلط في نطاق الاسرة ولكن لما يكونوا مع ناس او برده في ضيوف السلوك بيترفض وده بيسبب تشتيت للطفل وكمان بيفقده مصداقية ماما وبابا
يعني مثلا اسلام بياكل بشكل وحش جدا وماما وبابا شايفينه بيعمل كده كل يوم والموضوع عادي









لكن النهاردة يوم مختلف عمو يوسف وطنط ام على والأمور على معزومين عندنا على الغدا
الولد كالعادة بياكل بطريقته ..بصيت ماما لقيت على في منتهى الرقة والأدب وهو بياكل واسلام حاجة صعبة
ماما :بينها وبين نفسها (اخص الله يكسفك..طيب مش قدام الضيوف هو انا هسيب اسلام يبهدل الدنيا كده قدام الناس يقولوا علينا ايه)
ماما: اسلام..كل كويس وما توقعش الاكل من بقك
اسلام:اصلـ.....
ماما:اسكت ماتتكلمش والاكل في بقك

وبرده وقعنا في مشكلة التناقض وسلوك قدام الضيوف وعكسه في البيت
ده بيعمل مشاكل في سلوكيات الطفل زي ماقلت قبل كده وبيفقده المصداقية لبابا وماما
وبشكل عام انا ليا رأي في أسلوب اكساب السلوك السليم لطفلك وهو انك تعمله ـ السلوك المرغوب ـ با ستمرر قدامه وهو هيقلد والطفل ذكي وبيعرف يقلد ومش بس بيقلد السلوك الصح كمان بيقلد السلوك الغلط
شوف انت عاوز طفلك يكون ازاي وكن له زي ماتحبه يكون
دي مباديء خلونا نتفق عليها
دلوقتي ممكن اقول بعض السلوكيات اللي نحب نزرعها في أطفالنا وخصوصا انها في نطاق التعاملات اليومية






إتــــــــــيكيت






الطلب وما بعد الطلب






يعني لازم نعود الطفل على كلمتين (من فضللك ..لو سمحت)ولو الشخص كبير شوية نزود كلمة كمان (من فضل حضرتك)
دا لما يحب يطلي حاجة
وبعد الطلب طبعا لازم نشكر الناس وانا اتعلمت (من لا يشكر الناس لا يشكر الله)
يبقى بعد الطلب:متشكر ..شكرا..مرسي..جزاك الله خيرا(وعلى فكرة الكلمة دي بيقولها فعلا لو لقى بابا بيقولها)






آداب الطعام






أولا طبعا ومن غير ماكمل كلامي ننقول باسم الله
وطبعا كلنا عارفين المقولة اللي بنرردها دايما"ياغلام سم الله وكل بيمينك وكل مما يليك"
وكمان ما نبدأش أكل غير لما بابا يبدأ الأول
وما نعملش صوت مزعج على الأكل أو أي شغب
طبعا دي مش قوانين عسكرية .. لازم نعمل كده قدامهم عشن يقلودونا
وكمان الحمد لله بعد الأكل
ونفهمهم ليه بنسمي وليه بنحمد ربنا
بطريقة بسيطة
لن الطفل ممكن يسألك ليه بنعمل كده
وساعتها لازم تجاوب على تساؤلاته

دي سلوكيات بيسيطة وطبعا في سلويات كتييييييير بيحتاج يعرفها ويتعلمها الطفل بتقابل الآباء وبيحرصم على اكسابها لأطفالهم
لكن لازم نكون بره البيت زي جوه البيت
تمام..؟
سلام






جهاد مشالي

هناك 55 تعليقًا:

نادية كيلانى يقول...

الله عليك يا ست الكل يا عسولة

اتيكيتك عالى جدا ومدونتك منورة

وفرحانه انى اول من علق

سعيدة بيك وبيها

تحياتى وحبى

Unknown يقول...

ايه الحكايه ...كل ما اروح الحق اول تعليق...الاقيهم معلقيني ...دا كلام برضه ...يا جل..جل..
تسمحيلي بقي استقري الايتيكيت...

نفرتارى يقول...

هايل ياريت كل ام تعرف انها لازم تعلم اطفالها شئ واحد سواء قى وجود ضيوف او فى عدم وجود احد لان الطفل له عقل واحد يدرك به ما يقال

نفرتارى

أحمد (زوج مخنوق ). يقول...

سبحان الله فعلا ما اعظم الدين بتاعنا
لو اتبعنا تعاليمه بشكل صحيح بدون افراط او تفريط فعلا هنظهر بشكل أفضل مليون مرة مناللى احنا فيه
اتيكيت رباني
و نقطة التعليم بالتقليد دي فكرة ناجحة جدا
فعلا الطفل بيبقى عامل زي الاسفنجة
اللي اتربى شافه بيحصل بيشرب منه

بوست جميل

تحياتي

Unknown يقول...

السلام عليكم ورحمه الله ...
والله وحشتنا تربيتك لينا ولعيالنا يا ستنا...الله ينور عليكي ...
فيه كتاب أسمه (تربيه الاولاد في الاسلام)لا أظن انك لم تقرأيه بعد!أعتقد انه ل...عبدالله علوان ) صح ...
يا ريت تنبهي الآباء علي اقتناء مثل هذا المرجع ....شكرا يا...جهاد
++++++عامله ليه مشاكل مع..هوهو..أنت ما شوفتيش الي عمله فيه ؟
ربنا يرحمن من هوهوته!!!

بس خلاص ... يقول...

الاستاذه الجميله جهاد ... دى اول زيارة لمدونتك القيمه جدا جدا
وطبعا كلامك عن الاتيكيت هو فعلا تعاليم ديننا الحنيف ..ولو تتبعنا حياة الرسول الكريم وسلوكياته هنلاقيها قمة الاتيكيت بالمعنى الحالى للاداب فى كل التصرفات .. صلوات الله وسلامه عليك ياسيدى ياحبيب الله
لكى منى كل الود

Unknown يقول...

جل ..جل
أنا عايش والله ..بس مفيش حد سئل عليه..
الولد الخلبوص ده مطلع عنيه ...ما قولتليش عامله ليه مشاكل مع هوهو؟

Unknown يقول...

انا قريت الحكايه.. من طقطق لسلام عليكم ورحمه الله وبركاته.
هوهو مش غلطان يا جيجي ...
عندنا بنقول ...لو حمار رفسك ..تعمل ايه ؟
ترفصه ؟ طبعا لأ ...واحد بيهوهو يا جيجي ...أيه؟؟ جرالك ايه؟؟ ...بس والنبي ابقي امسحي الكلام ده ...أحسن يبهدلني تاني ...الله يسترك.

Unknown يقول...

جهاد يا بنتي ...اوعي تسمعي كلام فشكول الي هو مش عمو صلاح ...انت عارفه منعك من دخول المدونه ليه ؟ اصل هوهو قال لعمو توتو انه هيهوهو في ميدان عابدين ...وطبعا انت عارفه اما يرجع المدونه من هناك يبقي معاه ايه ؟عمو احمد الي هو عمو فشكول اخو عمو فركشاوي الي ناوي يسيب التدوين علشان هوهو وأمثاله ...ياخدوا هما كل حاجه.!!!

shaimaa rady يقول...

السلام عليكم ورحمة الله وبركاتة..

والله يا دهاد بوست في الجوووووووووون وهايل جدااا.
كنت هعلق علية في التعليق دة ، بس بصراحة لفت نظري ، تعليقات فركشاوي ناوي..
برغم انو خرج عن نطاق البوست، بس قال حكمة فيالجون، ولو اني بصراحة ولا فهما حاجة، بس حكمتو مية مية..
" عندنا بنقول ...لو حمار رفسك ..تعمل ايه ؟
ترفصه ؟ طبعا لأ ...واحد بيهوهو يا جيجي ...أيه؟؟ جرالك ايه؟؟ "

والنبي عندة حق..

بس سيبك البوست جامد جدااا
وعاجبني ان المدونة بتاعتك هادفة شكل جميل...
تسلم الايادي.

shaimaa rady يقول...

السلام عليكم ورحمة الله وبركاتة.مرة اخري..

بوصي يا جهاد، انا بمحض الصدفة عرفت السبب في كلام فركشاوي علي كلام (هو مش نو)
قريت كل الكلام اللي دار بنكم في البوست.
ونصيحة ممكن تقبليها او لا زي ما تحبي، بس اعتبريها من اخت .
انا بقول تنفضي وتكبري دماغك، الناس اللي بتفكر زيو ،مش هتاخدي منهم غير مضيعة للوقت، مش بقول انو غلط او انتي غلط ، او انتي صح ، وهو صح..
انا بقول ان شايفة ان الحوار مفيش منو هدف واضح، حتي لو انتي عايزة تستني لما يقنعك بهوهوتة، معتقدش انك هتوصلي لشئ ، لان لو كان عندة حجة قوية من البداية كانت وصلتلك واقتنعتي بهوهوتة..

انا قولتلك نصحتي ليكي، لاني مش عاجبني بصراحة الكلام اللي بقا علي الملاء ده، اللي بينكم..
وفعلا نصيحة فركشاوي مظبوطة قوي..

shaimaa rady يقول...

السلام عليكم ورحمة الله وبركاتة..

ميرسي يا جميلة علي اهتمامك بكلامي ، وبجد مبسوطة انك اقتنعتي، بصراحة لما قولتلك رئ ، قولتة لاني بعتبرك زي نوسة بالظبط، وعلشان بخاف علية، قولت انصحك انتي كمان، اصل الاسلوب مستفز قوي يا قمر،،
ما علينا سيبك..
نورتيني في المدونة بتاعتي، وياستي اقلبي رومانسي ، حتي هتبقا عيشة فل قووووووووووي.
هههههههههههههههههههههه
يلا اشوفك علي خير، وفرصة نضيفةاني اتعرفت عليكي:d

صحيح علمتي اية في الامتحان امبارح يا وزة ، اوعي تكوني عكيتي انتي كمان:D

Unknown يقول...

الأخت الفاضلة : جهاد
السلام عليكم ورحمة الله وبركاته
أحييك على هذا الطرح الهام
وبالفعل نحن فى أشد الاحتياج لتنبه لأولدنا وتربيتهم
بعدما انشغلت معظم الأسر عن تربية الأبناء بلقمة العيش ...
تقديرى واحترامى
أخوك
محمد

فشكووول يقول...

كدا يا جهاد تضحكى على وتعملى بوست آخر الليل .. طب انا كنت عندك امبارك حوالى حاجه كدا بالليل .. طب كنت ادينى اى علامه .. على العموم جات سليمه .. يا لله بقى هاتى ما عندك وصافى يالبن .. تصدقى دا اللى بيحصل فعلا وانا اما الواد محمود يعمل حاجه غلط قال يعنى اعمل انا فنط وانهره قدام الناس .. مع ان الواد ما عملش حاجه تستاهل .. لكن غرورنا احنا الكبار يخلينا يعنى قال عايزين نقول للناس احنا ما بنغلطش .. مع اننا كلنا غلط وعايزين التربيه من اول وجديد .. جهاد .. انت فين يا جهاد

mr_raafat يقول...

الأخت العزيزة / جهاد
بجد أسلوب رائع في التوجيه والإرشاد وموضوع حيوي جداً ، يجب أن نعود أطفالنا علي ما نحب أن نراهم عليه في حياتنا وحياتهم وليس لنظهر بمظهر جميل وشيك أمام الناس .
ومن شب علي شيء شاب عليه ولماذا دائما نصر علي أن نترك أطفالنا دون توجيه ثم نتقمس دور رجل المرور والمرشد الروحي أمام الناس ؟.
مازلت علي رأيي أن يتم عرض هذه الحلقات في مجموعة " توجيهات إرشادية "
وتكون في شكل سلسلة تسمي ؟
كيف تعامل طفلك
ليه ما بتفكريش تعملي ده أو ندور علي طريقة نوصل بيها الكلام الجميل دا للناس.
سعيد بك سعادة غامرة دون مجاملة والله شهيدي
تقبلي تحياتي

غروب يقول...

انا بلعب بالكوره وعمو صلاح وطنط اموله موجودين يا جهاد ؟؟؟؟؟؟؟؟؟؟

وقعتك سوداااااااااااااااااااااا

وكمان اسلام بيعمل ايه قلتيلي ؟؟؟؟؟؟؟؟؟؟؟

قولى قولى عشان اقطع لسانك

هههههههههههههههههه

بس البوست حلو اوى يا بت ومهم جدااااااااااااااا لما اجيب الواد ابنى اكيد هبقي ادخل المدونه

يلا سلاموووون

mohamed ghalia يقول...

كلام جميل والله
الإتيكت اصله موجود عندنا فى الدين
وكل حاجة والله موجودة عندنا
بس احنا الى بنقنع نفسنا بالعادات الغربية
يارب نتعلم صح
دمتى بحفظ الله

DR.HAMAS يقول...

ههههههههه

أما مواقف طريفة

طب بس أبقى اتجوز الأول

و نبقى نفكر نعلم العيال ايه

ربنا يسهل






د.حماس

moory-mero يقول...

السلام عليكم و رحمة الله و بركاته

جيجي يا قمر انا كيت متأخرة بقى معلثي

بجد البوست رائع جدا ومفيد وفعلا اسلامنا هو اول من وضع الاتيكيت
وليس الغرب
وبعدين لازم عشان الطفل يتعلم صح ويكون في سلوك صح ن البداية بعيد عن السلوك الخطا يكون من حوله يفعلون سلوك صح زي ماما و بابا و أخواته
وزي ما بيعمل كده جوه البيت يكون بره البيت برده كده

عندك حق يا جيجي والله وبجد تسلمي على البوت الرائع ده ياثكر

في رعاية الله

"عبير النجار "نيجار يقول...

بجد شرفتيني ونورتيني بزيارتك
وبجد مدونتك رائعه
والبوست تحفه،
تحياتي ليكي
أختى الغاليه

من غير عنـــوان يقول...

جميــــــــــــــــــــل


معظم الإتيكيت من أدب الحبيب المصطفى عليه صلوات الله وتسليماته، فقد أدبه ربه فأحسن تأديبه


أمنياتي

mr_raafat يقول...

العزيزة / جهاد
وعليكم السلام ورحمة الله وبركاته
بارك الله فيك . اختيار موفق أن تكون توجيهاتك في شكل حلقات تمثيلية للأطفال أو كما يحلو لك ، وحقا كما تقولين بأن عملية تمثيل الأدوار أفضل لأنها تكون أفضل في توصيل المعلومات وتكون أكثر تأثيراً ، وما المانع بعد ذلك عندما تتجهين نحو الدراسات العليا أن يكون موضوع بحثك ورسالتك حول هذا وفقك الله في امتحاناتك القادمة واهمة يا جهاد وربنا يوفقك بسي ما تنسيش الحلاوة
مع أطيب المني وأرق تحياتي .

جنّي يقول...

شوفي يا ست جهاد ..

السلوك منه ما هو سلوك فطري غريزي سيفعله الطفل بطريقته ولكن يمكن تعديله ولكن بالنصح والتدريب والقدوة ..

وهناك سلوك مكتسب او متعلم وهو سلوك يكتسبه الطفل ممن حوله ويتعلمه وعلى حسب بابا بيعمل ايه وماما بتعمل ايه وها يقلدهم لانه في السن الصغيرة لا يستطيع التجمل امام الآخرين ..

سلام

غير معرف يقول...

بصي يا جوجو ياقمرية الاطفال احيانا بيجدوا ان تصرفاتهم امام الناس الغرب بمثابة عقاب للكبار يعني اذا كان الام او الاب بيحرجوا من الناس الاجانب ولحظ الطفل كده بيتعمد يعمل كده قدام الناس الضيوف علشان كده انا معاكي ان الام تبان طبيعية قوي في كل الاوقات وتلفت نظر الطفل باسلوب الخطأ بس دون نهره حتى لاتفقده الثقة في نفسه ويالا فوتك بعافية

حاجــ عيال ــات يقول...

السلام عليكم
الأستاذة الحبيبة/نادية الكيلاني
قد إيه فرحانة إن حضرتك أول تعليق
دا شرف ليا والله
وكمان ياقمر تعليقك زي الثكر
ربنا يخليكي ليا
................

حاجــ عيال ــات يقول...

فركشاوي ناوي

كنت ناوي تكون اول تعليق لكن معلش تحسبلك النية وهعتبراك اول تعليق

وعلى فكرة انا فعلا اتعرضت لمختصر من الكتاب ده لكن الحقيقة ما قدرتش احصل عليه وفعلا كتاب مفيد جدا بالنسبة لكل مربي سواء أم أو أب أو معلمة في الحضانة
ومرسي على زيارتك الجميلة وبلاش تغيب عننا كتير

حاجــ عيال ــات يقول...

نفرتاري
جميلة والله وكلامك جميل
الطفل له عقل واحد ومش بس كده وعقل صغنون على قده يعني مش بيقدر يستوعب كل حاجة الا زي ما بيتوجه ليها ما عندوش المرونة الكافية في تفكيره عشان يقدر يتكيف مع كل موقف

شرفتيني ياقمر ورأيك عجبني كمان

حاجــ عيال ــات يقول...

زوج مخنوق:سابقا طبعا

فعلا الطفل زي ماحضرتك قلت زي الاسفنجة لكن احنا ساعات بنعبر عن نفس المعنى بصيغة تانية ..زي العجينة بنشكلها زي مااحنا عاوزين ..لكن حقيقي عجبني صياغة حضرتك فيها اكتر احترام لكون الطفل وطبيعته فعلا مكتسبة واللي بيحصل انه بيكتسب بسرعه جدا وبيتعلم بسرعه ممتازة الغلط والصح على السواء
ومرسي على زيارتك الكريمة ويارب تكون دايما مشرفني
جهاد مشالي

حاجــ عيال ــات يقول...

بس خلاص
أولا نورتيني وشرفتيني بجد
وكلامك جميل وفعلا الاتيكيت كلامنا احنا شريعتنا احنا وهم نسبوه ليهم واحنا صدقنا نسبهم
لكن اشمعنه دي
دا الهرم حتى بتاعهم دلوقتي
سلام ياجميل وما تغيبيش عني

جهاد مشالي

حاجــ عيال ــات يقول...

شيمو الجميلة جدا

ازيك ياحبيبتي ..وحشاني ووحشني تعليقاتك
ومرسي على رايك في البوست
ومرسي على متابعتك لحاجة تخصني ياقمر تسلميلي وتسلملي نصايحك
وعلى وراسي كلامك
وسلام مؤقت

حاجــ عيال ــات يقول...

الأستاذ الفاضل/محمد الجرايحي
أشكرك على رأيك وأوافقك الرأي في أهمية التذكير بطرق التربية السليمة في خضم اعلان فاسد ومجتمع قرُب من الفساد
أحييك وأشكرك

جهاد مشالي

حاجــ عيال ــات يقول...

عمنا فشكووووووول:
سلام جامد لعمو صلاح

منورني ديما ياعمو احمد بين قوسين مش صلاح
الجو هادي جدا .. فقلت انزل بوست عشان أثبت لعمو أن مفيش مشاكل
لكن نسيت اديك اشارة ..عليا المرة دي
وبعدين مين بينادي عليا سلامة ولا محمود
لو كان سلامة قله نايمة
لو كان محمود قله .....بلاش تكسفني بقى ياعمو ..الله الله الله!
سلام مؤقت

حاجــ عيال ــات يقول...

المحترم جدا..مستر رأفت
أشكرك على الزيارة الكريمة وعلى التشجيع الرائع
أراك ترى محاسنى وهذا يُحسب لك وما بفضلي
وأرجو أن تستمر في دعاءك لي عسى الله أن يتقبل

تحياتي وتقديري
جهاد مشالي

طوبه فضه وطوبه دهب يقول...

حلوه اوى بجد النصايح دى ومفيده جدا ربنا ما يحرمناش من نصايحك الغاليه بس لسه وفرصه لسه مافيش بيبى ولا ابو البيبى نتعلم واحنا لسه فضيين عشان لما يبقى فيه يبقى عندنا ثقافه تعامل

حاجــ عيال ــات يقول...

غرووووووووووووب

ازيك ياسارة بتوحشيني وانت معايا والله يابنتي
دي مش مجاملة ولا كلام حلو ..دا أقل حاجة عندي

وعلى فكرة عارفة انك ما تقدريش تعملي فيا اي حاجة لأنك بتموتي فيا

سلام ياقمورتي

حاجــ عيال ــات يقول...

الاستاذ محمد غالي

أشكر مرورك العزيز
وفعلا اتيكيتنا رباني مش محتاجين حد تاني ولا تقليعات تقولنا الشوكة في الشمال والسكينة في الشربة

تحياتي وتقديري لحضرتك
جهاد مشالي

حاجــ عيال ــات يقول...

د/ حماس
ربنا يرزقك بالزوجة والذرية الصالحة ويعينك على بناء اسرة كما تحب ان تكون

أشكرك على زيارتك الكريمة

حاجــ عيال ــات يقول...

ميرو موري

لا ياسيتي انا سحلانة منك خالث
اساي تيكي متاخلة كتة
وأنا الللي كنت فكلاكي بتحبيني
تيب خلاث سماح

مرسي ياقمر على وجودك معايا وانت تيجي في اي وقت ياجميل واحنا نرحب بيك ونغديك كمان

ها تحبي تاكلي ايه
يارب تقول لاء طبعا دا بين قوسين

رأيك تمام وكلامك كمان
ويارب أكون قدرت أفيد
سلام ياقمر

حاجــ عيال ــات يقول...

من غير عنوان

مرسي جدا على رأيك وعلى زيارتك ويارب أقدر أحقق ولو جزء من المتعه بجانب الافادة
وبجد زيارتك أسعدتني

حاجــ عيال ــات يقول...

نيجار

مرسي على زيارتك ياحبيتي
ومرسي كمان على رأيك

ونورتيني بجد
ويارب دايما تكوني معايا هنا

حاجــ عيال ــات يقول...

جنّى

أولا كلامك جميل جدا
والطفل فعلا بيتصرف بطبيعته ..لكن طبيعته دي بتيجي منين..؟
فكر معايا لو سمحت
من البيئة الي عايش فيها
والبيئة دي اللي هي الاب والام والاخوات ..يعني البيت
وانا بقول ياجماعه البيت يكوت بيئة صالحة عشان طبيعته تكون صالحة

ثانيا نورتني ياجنّى
وشرفتني

جهاد مشالي

حاجــ عيال ــات يقول...

د/ حماس
ربنا يرزقك بالزوجة والذرية الصالحة ويعينك على بناء اسرة كما تحب ان تكون

أشكرك على زيارتك الكريمة

حاجــ عيال ــات يقول...

نيجار

مرسي على زيارتك ياحبيتي
ومرسي كمان على رأيك

ونورتيني بجد
ويارب دايما تكوني معايا هنا

حاجــ عيال ــات يقول...

جنى
أولا مرسي على زيارتك الكريمة

ثانيا كلامك جميل جدا
الطفل فعلا بيتصرف بطبيعته
لكن طبيعته دي بتكون منين ..فطرة ؟...لكن الفطرة دي بتنحصر في شوية حاجات زي مثلا قضاء الحاجة والحاجة للطعام والشراب لكن سلوكياته بتكون مكتسبة من بيئته ..وبيئته دي هي اللي هتخلي طبيعته فعلا صالحة او فاسدة

سلام يا جنى

حاجــ عيال ــات يقول...

قلب ينبض بالحب
وحشتيني
وكلامك جميل ورأيك على عيني وعلى راسي
ومنوراني ياقمر

سلام مؤقت

حاجــ عيال ــات يقول...

طوبة فضة وطوبة دهب

مرسي على رايك وعلى زيارتك وان شاء الله نعرف ونتعلم على ماييجي ابو البيبي والبيبي كمان

سلام ياجميلة

غير معرف يقول...

طفلة منتدانا الكبيرة جى جى
المدونة حقا جدة ومتخصصة ولكن كنت اتمنى ان اقرأ فيها اجابات على بعض الاسئلة التى يتعرض لها الاباء من الابناء وخاصة ما يتعلق منها ببعض الاجزاء الحساسة من جسم الام او الاب وكيف جئنا الى الدنيا وخاصة ان الاباء يتهربون منها او يجيبون اجابات يشوبها الكدب مختلطا بالخجل احانا او التجاهل احانا او عيب تسال الاسئلة دى او لما تكبر تعرف وطفل ما قبل المدرسة غاية فى الذكاء ولا يقتنع بتلك الاجابات فكيف تجيبى عليها
علما بان معى دبلومة دراسات عليا فى رياض الاطفال
احمد البشيهى

غير معرف يقول...

اسف لعودتى مرة اخرى
ولكن نست حرف الياء وذلك لعطل اصاب اللوحة
وكلمة جيدة / احيانا / احيانا

نادية كيلانى يقول...

الفاضل أحمد البشيهى
تحية لشخصك الكريم وأطلب من سيادتك نيابة عن ابنتى جهاد
أن تتولى أنت الرد على هذه الأسئلة بما أنك حائز على دبلومةودراسات عليا فى رياض الأطفال
أما جهاد فـلا تزال طالبة
والجهد الذى تقوم به يستحق التقدير والمعاونة.

ننتظر إجاباتك لنتعلم منها نحن الأمهات

تقديرى

هــو..مش ..نـو يقول...

من غير زعل ...ومن عشم ...كان نفسي تشوفي تحرير العراق عندنا بقي بالجزمه ...
لو انت زعلانه ...حقك.
لكن انا مسامح ...سلام بقي ...مش هوهوه.

غير معرف يقول...

استاذتى الفاضلة.نادية
لقد طرحت تلك النماذج للاسئلة السهلة الصعبة لكى افتح حوارا مع ابنتى جى جىوليس لاى سبب اخر وصدقينى اذا قلت لك اننى مقدر جدا لجهدها العظيم واسلوبها الجذاب للاباء والابناء وانا اعتبرها ابنتى مثلك ايضا فهل تحمى الام ابنتها من ابيها الحنون.فاطمئنى فانا اب ومعلم لعشرات الاجيال.فانا موجه احياء.واحب المناقشة والحوار.ولكما عظيم الحب والتقدير...
...اخوكم.احمد البشيهى

صبرني يارب يقول...

تمااااااام كلامك كله تمام التمام على فكره

على فكره باطبقه بس ساعات يعنى بصراحه مريم بتحرجني لان مريم عندها 8 سنين وشويه ولمضه ... مش عارفه طالعه لمين هههههههههههههه

المهم بتحرجني بقى ساعات لمااقولها بلاش كذا تقولي طب ما بابا عمل يوم كذا كذا او انتى بتعملي كذا

طبعا انا دايما اركز على ارساء مبدا الصح صح حتى لو ما حدش عمله خالص

والغلط غلط حتى لو الدنيا كلها عملته

لكن برضه باحاول اتجنب الغلط قدامها

الصراحه نفسسسسسسي ابطل اشتم ولادي بكل اسامي الحيوانات الاليفه واصدقاء الفلاحه ههههههههههههههههههه

بس غصب عني والله
بابا دايما يهزأني بس والواحد ساعات بيبقى هايموت حضرتك لو ما عملش اي حاجه فيهم يعنى

تحياتي ليكى

مهرة سالم يقول...

السلام عليكم...
بالفعل الطفل يضيع ...
أمام تناقضات أهله..
......
دمتي بخير..

قلم رصاص يقول...

السلام عليكم

أهنئك أختي الكرمة جهاد على هذه المدونة الرائعه

وبصراحة البوست ده رائع جدا جدا

بارك الله فيكي

تقبلي مروري الأول مع التحية

فشكووول يقول...

يا جهاد .. انت فين يا جهاد .
جيت بس امسى عليكى يا دهاد اصلك وحشتينى